ബെംഗളൂരു: ബെംഗളൂരുവിൽ ബിഎംടിസി ബസിടിച്ച് പിയു വിദ്യാർഥി മരിച്ചു. ശിവാജിനഗർ ബിഎംടിസി ബസ് ഡിപ്പോയ്ക്ക് സമീപമായിരുന്നു സംഭവം. നഗരത്തിലെ സ്വകാര്യ കോളേജിൽ പിയു വിദ്യാർഥിയും കോട്ടൺപേട്ട് സ്വദേശിയുമായ കമലേഷ് (18) ആണ് മരിച്ചത്.
ഇരുചക്ര വാഹനത്തിൽ സഞ്ചരിക്കുകയായിരുന്ന കമലേഷ് മുമ്പിലുണ്ടായിരുന്ന ബസിനെ മറികടക്കാൻ ശ്രമിക്കുന്നതിനിടെയായിരുന്നു അപകടം. രാത്രി 9.50 ഓടെ റീജൻ്റ ഹോട്ടലിന് മുമ്പിൽ വെച്ചാണ് അപകടമുണ്ടായത്. ബസിന്റെ വലതുഭാഗത്ത് കമലേഷ് സഞ്ചരിച്ച വാഹനം ഇടിക്കുകയായിരുന്നു.
ഇടിയുടെ ആഘാതത്തിൽ റോഡിലേക്ക് തെറിച്ചുവീണ കമലഷിന്റെ ദേഹത്ത് കൂടി മറ്റൊരു ബസ് കയറിയിറങ്ങി. തലയ്ക്കും വയറിനും ഗുരുതര പരുക്കേറ്റ കമലേഷിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സംഭവത്തിൽ സിറ്റി പോലീസ് കേസെടുത്തു.
The post ബിഎംടിസി ബസിടിച്ച് പിയു വിദ്യാർഥി മരിച്ചു appeared first on News Bengaluru.
Powered by WPeMatico
