ബെംഗളൂരുവിൽ വീട്ടിൽ നിന്ന് വോട്ട് രേഖപ്പെടുത്തി 6,817 മുതിർന്ന പൗരന്മാർ

ബെംഗളൂരു: ബെംഗളൂരുവിൽ വീട്ടിൽ നിന്ന് വോട്ട് രേഖപ്പെടുത്തി 6,817 മുതിർന്ന പൗരൻമാർ. കഴിഞ്ഞ ദിവസം മാത്രം 2,358 മുതിർന്ന പൗരന്മാരും വികലാംഗരും വോട്ട് രേഖപ്പെടുത്തി. നഗരത്തിൽ മൊത്തം 7,858 ബെംഗളൂരു നിവാസികൾ വീട്ടിൽ നിന്ന് വോട്ട് ചെയ്യാനുള്ള സൗകര്യം തിരഞ്ഞെടുത്തിട്ടുണ്ട്. ഇവരിൽ 86.75 ശതമാനം പേരാണ് പ്രായോഗികമായി വീട്ടിൽ നിന്ന് വോട്ട് രേഖപ്പെടുത്തിയിട്ടുള്ളത്.

85 വയസ്സിന് മുകളിലുള്ള മുതിർന്ന പൗരന്മാർക്കും മറ്റ്‌ ശാരീരിക ബുദ്ധിമുട്ടുകൾ അനുഭവിക്കുന്നവർക്കുമാണ് നിലവിൽ വീട്ടിൽ നിന്ന് വോട്ട് സേവനം ലഭ്യമാക്കുന്നത്. ബെംഗളൂരു നോർത്ത്, സെൻട്രൽ, സൗത്ത് എന്നീ മൂന്ന് ലോക്‌സഭാ മണ്ഡലങ്ങളിൽ ഉൾപ്പെട്ടവരാണിത്. ശേഷിക്കുന്ന വോട്ടർമാർക്കും അടുത്ത മൂന്ന് ദിവസത്തിനുള്ളിൽ ഈ സൗകര്യം ലഭ്യമാകും. നഗരത്തിൽ 85 വയസ്സിന് മുകളിലുള്ള 1,13,108 മുതിർന്ന പൗരന്മാരിൽ 7,558 പേർ മാത്രമാണ് വീട്ടിലിരുന്ന് വോട്ട് രേഖപ്പെടുത്തിയത്.

വികലാംഗരായ 30,693 പേരിൽ 302 പേർ മാത്രമാണ് വീട്ടിൽ നിന്ന് വോട്ട് ചെയ്യാൻ രജിസ്റ്റർ ചെയ്തത്.

The post ബെംഗളൂരുവിൽ വീട്ടിൽ നിന്ന് വോട്ട് രേഖപ്പെടുത്തി 6,817 മുതിർന്ന പൗരന്മാർ appeared first on News Bengaluru.