ആറ്റിങ്ങലിലെ മുൻ കോണ്ഗ്രസ് സ്ഥാനാർഥിയായിരുന്ന മഹിളാ കോണ്ഗ്രസ് നേതാവ് ബിജെപിയിലേക്ക്. തങ്കമണി ദിവാകരനാണ് കോണ്ഗ്രസ് വിട്ട് ബിജെപിയില് ചേരാൻ തീരുമാനിച്ചത്. സംവിധായകൻ ലെനിൻ രാജേന്ദ്രന്റെ സഹോദരി കൂടിയാണ് തങ്കമണി ദിവാകരൻ.
2011 ലെ നിയമസഭാ തിരഞ്ഞെടുപ്പില് ആറ്റിങ്ങല് മണ്ഡലത്തില് യുഡിഎഫ് സ്ഥാനാര്ത്ഥിയായി മത്സരിച്ചത് തങ്കമണി ദിവാകരനായിരുന്നു. എഐസിസി അംഗമായ തങ്കമണി മഹിളാ കോണ്ഗ്രസിന്റെ സംസ്ഥാന കമ്മിറ്റി അംഗമാണ്.
സ്ത്രീകള്ക്ക് വേണ്ടി കൂടുതല് പ്രവർത്തിക്കാനാണ് ആഗ്രഹിക്കുന്നതെന്ന് തങ്കമണി ദിവാകരൻ പറഞ്ഞു. 27 വയസ് മുതല് താൻ കോണ്ഗ്രസിന്റെ സജീവ പ്രവര്ത്തകയാണ്. എന്നാല് പാര്ട്ടിയില് നിന്ന് കടുത്ത അവഗണന നേരിട്ടു.
സ്ത്രീകളെ ബഹുമാനിക്കുന്നതില് കോണ്ഗ്രസിന് വിമുഖതയുണ്ടെന്ന് വിമര്ശിച്ചു. സ്ത്രീകളെ ബഹുമാനിക്കാൻ കോണ്ഗ്രസ് വിമുഖത കാണിക്കുകയാണ്. പല സ്ത്രീകളും ഇന്ന് കോണ്ഗ്രസില് അവഗണിക്കപ്പെടുന്നു. അതുകൊണ്ടാണ് പാർട്ടി വിടുന്നതെന്നും അവർ വ്യക്തമാക്കി.
The post മഹിളാ കോണ്ഗ്രസ് നേതാവ് തങ്കമണി ദിവാകരൻ ബിജെപിയിലേക്ക് appeared first on News Bengaluru.
Powered by WPeMatico
