വയനാട് സുല്‍ത്താൻ ബത്തേരിയില്‍ രാഹുല്‍ ഗാന്ധിയുടെ റോഡ് ഷോ. ബത്തേരിയിലെ റോഡ് ഷോയ്ക്ക് ശേഷം പുല്‍പ്പള്ളി, മാനന്തവാടി, വെള്ളമുണ്ട, പടിഞ്ഞറത്തറ എന്നിവിടങ്ങളിലും രാഹുല്‍ റോഡ് ഷോ നടത്തും. രാവിലെ കണ്ണൂരില്‍ വിമാനമിറങ്ങിയ രാഹുല്‍ ഗാന്ധിയെ യു.ഡി.എഫ് നേതാക്കള്‍ സ്വീകരിച്ചു.
10 മണിയോടെ സുല്‍ത്താന്‍ ബത്തേരിയില്‍ നടക്കുന്ന റോഡ് ഷോയോടെയാണ് പര്യടനം തുടങ്ങുമെന്ന് അറിയിച്ചിരുന്നെങ്കിലും വൈകിയാണ് പരിപാടി ആരംഭിച്ചത്. തുറന്ന വാഹനത്തില്‍ ജനങ്ങളുമായി സംവദിക്കുന്ന രീതിയിലാണ് റോഡ് ഷോ.
പുല്‍പള്ളിയില്‍ കര്‍ഷക സംഗമത്തിലും തുടര്‍ന്ന് മൂന്ന് റോഡ് ഷോകളിലും രാഹുല്‍ ഗാന്ധി പങ്കെടുക്കും. വൈകിട്ട് 5.30 ന് കോഴിക്കോട് കടപ്പുറത്ത് നടക്കുന്ന തിരഞ്ഞെടുപ്പ് പ്രചാരണ റാലിയിലും രാഹുല്‍ പങ്കെടുക്കും. മലപ്പുറം, കോഴിക്കോട്, വടകര മണ്ഡലങ്ങളിലെ യു.ഡി.എഫ് സ്ഥാനാര്‍ഥികള്‍ക്ക് വേണ്ടി രാഹുല്‍ വോട്ടഭ്യര്‍ഥിക്കുകയും ചെയ്യും.
The post രാഹുല്‍ ഗാന്ധി വയനാട്ടില്‍; സുല്‍ത്താൻ ബത്തേരിയില്‍ റോഡ് ഷോ appeared first on News Bengaluru.
Powered by WPeMatico
