ബെംഗളൂരു: വ്രതാനുഷ്ടാനം പുനര്‍വിചിന്തനത്തിന് പ്രേരിതമാവുകയും അതിലൂടെ മാനസിക പരിവര്‍ത്തനം സാധ്യമാക്കപ്പെടുകയും വേണമെന്നും വ്രതകാലം കഴിഞ്ഞിട്ടും സ്വഭാവത്തിലും സംസ്‌കാരത്തിലും മാറ്റം കണ്ടെത്താന്‍ കഴിയാതെ വന്നാല്‍ വ്രതകാലം നിശ്ഫലമാണെന്നും മലബാര്‍ മുസ്ലിം അസോസിയേഷന്‍ ഖത്തീബ് സെയ്തു മുഹമ്മദ് നൂരി പറഞ്ഞു. എം എം എ ഡബിള്‍ റോഡ് ശാഫി മസ്ജിദില്‍ റമളാന്‍ പ്രഭാഷണം നടത്തുകയായിരുന്നു അദ്ദേഹം.
മതത്തിന്റെയും വര്‍ണ്ണത്തിന്റെയും പേരില്‍ സമൂഹം മനുഷ്യനെ മാറ്റി നിര്‍ത്തുന്ന കാലമാണിത്. മാനവികതയിലൂടെയാണ് റമളാന്റെ പലായണം. ഖുര്‍ആന്‍ മാനവികതയുടെ പ്രചാരണ ഗ്രന്ഥമാണ്. മനുഷ്യനാണ് അതിലെ പ്രമേയമെന്നും അദ്ദേഹം പറഞ്ഞു. പ്രസിഡണ്ട് ഉൃ.എന്‍.എ. മുഹമ്മദ്, ജനറല്‍ സെക്രട്ടറി ടി.സി. സിറാജ്, അഡ്വ. പി. ഉസ്മാന്‍,കെ.സി അബ്ദുല്‍ ഖാദര്‍ ശംസുദ്ധീന്‍ കൂടാളി, കെ.എച്ച് ഫാറൂഖ്, സി.എച്ച് ശഹീര്‍, പി.എം. മുഹമ്മദ് മൗലവി, ബഷീര്‍ ഇംപീരിയല്‍, കെ. ഹാരിസ്, വൈക്കിംഗ് മൂസ ഹാജി, എ.കെ. അശ്‌റഫ് ഹാജി, തുടങ്ങിയവര്‍ പങ്കെടുത്തു.
The post വ്രതം: പുനർവിചിന്തനത്തിന് പ്രേരിതമാവണം-സെയ്തു മുഹമ്മദ് നൂരി appeared first on News Bengaluru.
Powered by WPeMatico
