ബെംഗളൂരു: മലബാര് മുസ്ലിം അസോസിയേഷന് പ്രസിഡണ്ട് ഡോ. എന്. എ. മുഹമ്മദ് മുഹമ്മദിന്റെ പത്നിയും ബെംഗളൂരു ഡവലപ്മെന്റ് അതോറിറ്റി ചെയര്മാന് എന്. എ. ഹാരിസ് എം. എല്. എ യുടെ മാതാവുമായ സുരയ്യ മുഹമ്മദിന്റെ നിര്യാണത്തെ തുടര്ന്ന് സമസ്ത നേതാക്കള് ബെംഗളൂരുവിലെ ഡോ. എന്. എ. മുഹമ്മദിന്റെ വസതി സന്ദര്ശിച്ചു. സുന്നി യുവജന സംഘം സംസ്ഥാന ജനറല് സെക്രട്ടറി യും കോഴിക്കോട് ഖാസിയുമായ സയ്യിദ് മുഹമ്മദ് കോയ തങ്ങള് ജമലുല്ലൈലി, സമസ്ത കേരള ഇസ്ലാം മത വിദ്യാഭ്യാസ ബോര്ഡ് ജനറല് മാനേജര് കെ. മോയിന്കുട്ടി മാസ്റ്റര് എന്നിവരുടെ നേതൃത്വത്തിലാണ് സന്ദര്ശനം നടത്തിയത്.
എസ്.വൈ.എസ് ജില്ലാ ജനറല് സെക്രട്ടറി പി. എം അബ്ദുല് ലത്തീഫ് ഹാജി, വൈസ് പ്രസിഡണ്ടുമാരായ സിദ്ദിഖ് തങ്ങള്, കെ എച്ച്. ഫാറൂഖ്, സമസ്തയുടെയും പോഷക സംഘടനകളുടെയും നേതാക്കളായ മുനീര് ഹെബ്ബാള്, അര്ഷാദ് യശ്വന്തപുരം, താഹിര് മിസ് ബാഹി, ജമാല് വി. എം. ഇലക്ട്രോണിക് സിറ്റി, ഇര്ഷാദ് കണ്ണവം, ബഷീര് ഹാജി ഇമ്പീരിയല്, സുബൈര് കായക്കൊടി, കെ. പി. സുബൈര് മാസ്റ്റര്, ഷാഫി കൊന്നാലത്ത് തുടങ്ങിയവര് സംഘത്തിലുണ്ടായിരുന്നു.
The post സമസ്ത നേതാക്കള് ഡോ. എന്. എ. മുഹമ്മദിന്റെ വസതി സന്ദര്ശിച്ചു appeared first on News Bengaluru.
Powered by WPeMatico
