Follow the News Bengaluru channel on WhatsApp

മലയാളമടക്കം നാലു ദ്രാവിഡ ഭാഷകളെ ഇനി തൊട്ടറിയാം; ‘സമം’ ചതുർഭാഷാ ഓൺലൈൻ നിഘണ്ടു ഉദ്ഘാടനം 7 ന് ബെംഗളൂരുവിൽ

ബെംഗളൂരു: മലയാളത്തിന് പുറമെ തെലുഗു, കന്നഡ, തമിഴ് എന്നി ദ്രാവിഡ ഭാഷകളെ അടുത്തറിയാന്‍ ഓണ്‍ലൈനില്‍ നിഘണ്ടു രൂപകല്‍പന ചെയ്ത് ഇന്‍ഡിക്ക് ഡിജിറ്റല്‍ ആര്‍ക്കൈവ് ഫൗണ്ടേഷന്‍. ഞാറ്റ്യേല ശ്രീധരന്‍ തയ്യാറാക്കിയ ചതുര്‍ഭാഷ നിഘണ്ടുവിന്റെ ഓണ്‍ലൈന്‍ പതിപ്പ് ‘സമം’ (samam.net) എന്നപേരിലാണ് ഇന്‍ഡിക്ക് ഡിജിറ്റല്‍ പുറത്തിറക്കുന്നത്,

ഏപ്രില്‍ 7ന് ഉച്ചയ്ക്ക് 2.30 ന് ഡോംലൂരിലെ ബാംഗ്ലൂര്‍ ഇന്റര്‍നാഷണല്‍ സെന്ററില്‍ നടക്കുന്ന ചടങ്ങില്‍ സമം പുറത്തിറക്കും. മലയാളം മിഷന്‍ കര്‍ണാടക ചാപ്റ്ററുമായി സഹകരിച്ച് നടത്തുന്ന പരിപാടിയില്‍ ഇ. കെ. കുറുപ്പ് രചിച്ച ഇംഗ്ലീഷ് – മലയാളം പദസഞ്ചയം (തിസോറസ്) ഓളം നിഘണ്ടുവില്‍ ഉള്‍ക്കൊള്ളിക്കുന്നതിന്റെ പ്രഖ്യാപനവും നടത്തും. ഇന്‍ഡിക്ക് ഫൗണ്ടേഷനും മലയാളം മിഷന്‍ കര്‍ണാടക ചാപ്റ്ററും സംയുക്തമായി നടത്തുന്ന പ്രൂഫ് റീഡിങ്ങ് പദ്ധതിയുടെ പ്രഖ്യാപനവും ചടങ്ങില്‍ ഉണ്ടാകും.

ഞാറ്റ്യേല ശ്രീധരന്‍, ഇ. കെ. കുറുപ്പ്, കേന്ദ്രസാഹിത്യ അക്കാദമി പുരസ്‌കാരം നേടിയ സുധാകരന്‍ രാമന്തളി, കെ.കെ. ഗംഗാധരന്‍, ഭാഷാ കമ്പ്യൂട്ടിംഗ് വിദഗ്ധനും മഹര്‍ഷി ഭദ്രയാന്‍ വ്യാസ് സമ്മാന്‍ പുരസ്‌കാര ജേതാവുമായ സന്തോഷ് തോട്ടിങ്ങല്‍, എഴുത്തുകാരന്‍ ഡോ. വിനോദ് ടി.പി, മലയാളം മിഷന്‍ കര്‍ണാടക ചാപ്റ്റര്‍ പ്രസിഡണ്ടും ഭാഷാമയൂരം പുരസ്‌കാര ജേതാവുമായ കെ. ദാമോധരന്‍, മലയാളം മിഷന്‍ കര്‍ണാടക ചാപ്റ്റര്‍ സെക്രട്ടറി ഹിത വേണുഗോപാല്‍, ഇന്‍ഡിക്ക് ഫൗണ്ടേഷന്‍ പ്രവര്‍ത്തകരായ ഷിജു അലക്‌സ്, ജിസ്സോ ജോസ്, കൈലാഷ്‌നാഥ് എന്നിവര്‍ ചടങ്ങില്‍ പങ്കെടുക്കും.

പ്രാഥമിക വിദ്യാഭ്യാസം മാത്രം സ്വന്തമായുള്ള തലശ്ശേരിയിലെ ബീഡിത്തൊഴിലാളിയായിരുന്ന ഞാറ്റ്യേല ശ്രീധരന്‍ 25 വര്‍ഷംകൊണ്ട് വിവിധ സംസ്ഥാനങ്ങളില്‍ താമസിച്ചു പഠിച്ചാണ് നിഘണ്ടു തയ്യാറാക്കിയത്. ആലപ്പുഴ സ്വദേശിയും മുംബൈയില്‍ താമസക്കാരനുമാണ് ഇംഗ്ലീഷ് മലയാളം പദസഞ്ചയം (തിസോറസ്) തയ്യാറാക്കിയ ഇ.കെ. കുറുപ്പ്.

മലയാളം വാക്കുകളുടെ തമിഴ്, കന്നഡ, തെലുഗ് അര്‍ഥങ്ങള്‍ എളുപ്പത്തില്‍ ലഭിക്കും വിധത്തിലാണ് സമം രൂപപ്പെടുത്തിയിരിക്കുന്നത്. ബെംഗളൂരുവിലെ മലയാളികള്‍ക്ക് മറ്റു ദക്ഷിണേന്ത്യന്‍ ഭാഷകള്‍ സംസാരിക്കുന്നവരുമായുള്ള ആശയവിനിമയത്തിന് സഹായകരമാകുന്ന രീതിയിലാണ് സമം രൂപപ്പെടുത്തിയിരിക്കുന്നത്. ചതുര്‍ ദ്രാവിഡഭാഷാ നിഘണ്ടുവിന്റെ പുസ്തകരൂപം 2022-ല്‍ കേരള ഭാഷാ ഇന്‍സ്റ്റിറ്റ്യൂട്ട് പുറത്തിറക്കിയിരുന്നു. നിഘണ്ടുവിന്റെ കൈയെഴുത്തുപ്രതികള്‍ ഡിജിറ്റൈസ് ചെയ്തത് ഇന്‍ഡിക്ക് ഡിജിറ്റല്‍ ആര്‍ക്കൈവ് ഫൗണ്ടേഷന്റെ ‘ഗ്രന്ഥപ്പുര’ വെബ്സൈറ്റിലൂടെ റിലീസ് ചെയ്യും.


ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩

വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444

മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇

DOWNLOAD GOOGLE TEXT-TO-SPEECH



ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.

ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം



Leave A Reply

Your email address will not be published.