18 വനംവകുപ്പ് ഉദ്യോഗസ്ഥര്ക്ക് ഗുരുതരമായ പിഴവുകള് പറ്റി; സുഗന്ധഗിരി വനം കൊള്ളയില് അന്വേഷണ റിപ്പോര്ട്ട് പുറത്ത്
ആദിവാസി പുനരധിവാസ മേഖലയായ വയനാട്ടിലെ സുഗന്ധഗിരിയില് നടന്ന വനം കൊള്ളയില് 18 വനം വകുപ്പ് ഉദ്യോഗസ്ഥർക്കു ഗുരുതരമായ പിഴവുകള് പറ്റിയതായി അന്വേഷണ റിപ്പോർട്ട്. വനം വകുപ്പ് ഉദ്യോഗസ്ഥർക്ക് മരംമുറിയിലുള്ള പങ്കാളിത്തം അടിവരയിട്ട് രേഖപ്പെടുത്തുന്നതാണ് റിപ്പോർട്ട്.
ഡിഎഫ്ഒ ഷജ്ന കരീം, റേഞ്ച് ഓഫിസർ കെ.നീതു, ഫ്ലൈയിംഗ് സ്ക്വാഡ് റേഞ്ച് ഓഫിസർ എം.സജീവൻ എന്നിവർ ഉള്പ്പെടെയുള്ളവർക്കെതിരെയാണ് അന്വേഷണ റിപ്പോർട്ട് സമർപ്പിച്ചിരിക്കുന്നത്. കല്പറ്റ സെക്ഷൻ ഓഫിസർ കെ.കെ. ചന്ദ്രൻ, വാച്ചർ ജോണ്സണ്, ബീറ്റ് ഫോറസ്റ്റ് ഓഫീസർമാരായ സജി പ്രസാദ്, എം.കെ. വിനോദ് കുമാർ, ബാലൻ എന്നിവർ നിലവില് സസ്പെൻഷനിലാണ്.
ഇവർക്കു പുറമെ, കല്പറ്റ ബീറ്റ് ഫോറസ്റ്റ് ഓഫിസർമാരായ സി.എസ്. വിഷ്ണു, പി. സിയാദ് ഹസൻ, നജീബ്, ഐ.വി. കിരണ്, കെ.എസ്. ചൈതന്യ, കല്പറ്റ സെക്ഷൻ ഫോറസ്റ്റ് വാച്ചർമാരായ ആർ.വിൻസന്റ്, പി.ജി. വിനീഷ്, കെ. ലക്ഷ്മി, എ.എ. ജാനു, കല്പറ്റ ഫ്ലൈയിംഗ് സ്ക്വാഡ് ഡെപ്യൂട്ടി റേഞ്ച് ഓഫിസർ ബീരാൻ കുട്ടി എന്നിവരെയും കുറ്റക്കാരാണെന്ന് കണ്ടെത്തിയിട്ടുണ്ട്.
ഇവർക്കെതിരെ വകുപ്പുതല നടപടി സ്വീകരിക്കാൻ വനം സെക്രട്ടറിയെ ചുമതലപ്പെടുത്തി. കേസില് ഒൻപതുപേർ നേരത്തേ അറസ്റ്റിലായിരുന്നു. വനം ഉദ്യോഗസ്ഥൻ കൈക്കൂലി വാങ്ങിയതായി വ്യക്തമായതിനെ തുടർന്ന് ഒരാളെക്കൂടി പ്രതിപ്പട്ടികയില് ഉള്പ്പെടുത്തും.
The post 18 വനംവകുപ്പ് ഉദ്യോഗസ്ഥര്ക്ക് ഗുരുതരമായ പിഴവുകള് പറ്റി; സുഗന്ധഗിരി വനം കൊള്ളയില് അന്വേഷണ റിപ്പോര്ട്ട് പുറത്ത് appeared first on News Bengaluru.
Powered by WPeMatico
