നഗരത്തിൽ 890 എഐ കാമറകൾ കൂടി സ്ഥാപിക്കാനൊരുങ്ങി സിറ്റി പോലീസ്

Post ad banner after image

ബെംഗളൂരു: ബെംഗളൂരുവിൽ സുരക്ഷ സംവിധാനം ശക്തിപ്പെടുത്തുന്നതിന്റെ ഭാഗമായി 500-ലധികം സ്ഥലങ്ങളിൽ 890 എഐ അടിസ്ഥാനമാക്കിയുള്ള സിസിടിവി കാമറകൾ സ്ഥാപിക്കാൻ നിർദേശവുമായി സിറ്റി പോലീസ്.

നഗരത്തിന് ചുറ്റുമുള്ള 3,000ത്തോളം പ്രധാന സ്ഥലങ്ങളിൽ സ്ഥാപിച്ചിട്ടുള്ള 7,500 കാമറകൾക്ക് പുറമെയാണിവ. നിലവിലുള്ളവയിൽ 2,500 എണ്ണം പ്രവർത്തനരഹിതമാണ്.

സിറ്റി പോലീസിൻ്റെ അഡ്മിനിസ്‌ട്രേഷൻ ഡിപ്പാർട്ട്‌മെൻ്റ് ഇത് സംബന്ധിച്ച് ബിഇഎല്ലുമായി ഉടൻ കരാർ ഒപ്പുവെക്കും. നഗരത്തിൽ മുമ്പ് സ്ഥാപിച്ച കാമറകൾ ബിഎസ്എൻഎല്ലുമായി സഹകരിച്ചായിരുന്നു. ജൂൺ അവസാനത്തോടെ 2,500 കാമറകൾ പുനരുജ്ജീവിപ്പിക്കുകയും കമാൻഡ് സെൻ്ററുമായി ബന്ധിപ്പിക്കുകയും ചെയ്യുമെന്ന് സിറ്റി പോലീസ് കമ്മീഷണർ ബി. ദയാനന്ദ പറഞ്ഞു.

ട്രാഫിക് നിയമലംഘനങ്ങൾ കണ്ടെത്താൻ പോലീസിനെ സഹായിക്കുന്ന പ്രധാന ഘടകങ്ങളിലൊന്നാണ് എഐ കാമറകൾ. സേഫ് സിറ്റി പദ്ധതിക്ക് കീഴിൽ വരാനിരിക്കുന്ന 890 നൂതന സാങ്കേതിക കാമറകൾ തന്ത്രപ്രധാനമായ സ്ഥലങ്ങളിൽ സ്ഥാപിക്കുമെന്ന് അദ്ദേഹം അറിയിച്ചു. കമാൻഡ് സെൻ്ററുമായി ബന്ധിപ്പിച്ചിരിക്കുന്ന കാമറകൾ ക്രമസമാധാനപാലനത്തിനും ട്രാഫിക് മാനേജ്മെൻ്റിനും ഉപയോഗിക്കുമെന്നും അദ്ദേഹം കൂട്ടിച്ചേർത്തു.

കൂടാതെ, എട്ട് ഡ്രോൺ കാമറകൾ വാങ്ങാനും ബെംഗളൂരുവിലുടനീളം 150 വാച്ച് ടവറുകൾ സ്ഥാപിക്കാനും പോലീസ് നിർദേശിച്ചിട്ടുണ്ട്. ഇതുകൂടാതെ, ബസ് സ്റ്റാൻഡുകൾ, റെയിൽവേ സ്റ്റേഷനുകൾ, എയർപോർട്ടുകൾ, ക്രിക്കറ്റ് സ്റ്റേഡിയം തുടങ്ങിയ പൊതുസ്ഥലങ്ങളിൽ അത്യാധുനിക സവിശേഷതകളുള്ള എട്ട് ഹൈ-ഡെഫനിഷൻ കാമറകൾ സ്ഥാപിക്കാൻ വകുപ്പ് നിർദേശിച്ചിട്ടുണ്ട്.


Post Box Bottom AD4 ocean
Post Box Bottom josco

ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം




ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩

വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444

ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.


No tags for this post.
Leave a comment
error: Content is protected !!