ബെംഗളൂരു: ബെംഗളൂരു മെട്രോ ജൂലൈ അവസാനത്തോടെ മാധവാരയിലേക്കും. മെട്രോയുടെ ഗ്രീൻ ലൈനിൽ ഉൾപ്പെടുന്ന നാഗസാന്ദ്ര – മാധവാര സ്ട്രെച്ച് ജൂലൈ അവസാനം തുറക്കുമെന്ന് ബിഎംആർസിഎൽ അറിയിച്ചു. 3.7 കിലോമീറ്റർ ദൈർഘ്യമുള്ള സ്ട്രെച്ച് 2019ൽ തുറക്കാൻ പദ്ധതിയിട്ടിരുന്നെങ്കിലും വിവിധ കാരണങ്ങൾകൊണ്ട് നിർമാണം വൈകുകയായിരുന്നു. അഞ്ച് വർഷത്തെ കാത്തിരിപ്പിന് ശേഷമാണ് നാഗസാന്ദ്ര – മാധവാര സ്ട്രെച്ച് ഉദ്ഘാടനത്തിനൊരുങ്ങുന്നത്.
മഞ്ജുനാഥ് നഗർ, ചിക്കബിദരികല്ലു, മാധവാര എന്നീ മൂന്നു സ്റ്റേഷനുകളാണ് പുതിയ സ്ട്രെച്ചിൽ ഉൾപ്പെടുന്നത്. 298 കോടി രൂപ ചെലവിട്ടാണ് നിർമാണം. മാധവാര സ്ട്രെച്ചിൻ്റെ ട്രാക്ക് നിർമാണം പൂർത്തിയായതായി ബിഎംആർസിഎൽ എംഡി എം. മഹേശ്വർ റാവു ദ പറഞ്ഞു. ട്രാക്ക് നിർമാണം പൂർത്തിയായതോടെ പാതയിൽ വരും മാസങ്ങളിൽ പരിശോധന നടക്കും. അതേസമയം സ്റ്റേഷനുകളുടെ നിർമാണപ്രവൃത്തികൾ അവസാന ഘട്ടത്തിലെത്തി.
പെയിൻ്റിങ്, ഗ്രാനൈറ്റ് പതിക്കൽ, ഇലക്ട്രിക്കൽ – സിഗ്നലിങ് പ്രവൃത്തികൾ തുടങ്ങിയവയാണ് ഇനി നടക്കുക. നിർമാണപ്രവൃത്തികൾ ജൂണിൽ പൂർത്തിയാക്കാനാണ് ബിഎംആർസിഎൽ ലക്ഷ്യമിടുന്നത്. പണി പൂർത്തിയാകുന്നതോടെ ട്രയൽ റൺ ആരംഭിക്കും. തുടർന്ന് മെട്രോ റെയിൽ സേഫ്റ്റി കമ്മീഷണറുടെ പരിശോധന നടക്കും.
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.