ബെംഗളൂരു: സംസ്ഥാനത്തെ 60 സർക്കാർ പ്രീ-യൂണിവേഴ്സിറ്റി (പിയു) കോളേജുകൾ മാതൃകാ സ്ഥാപനങ്ങളാക്കി നവീകരിക്കാൻ തീരുമാനിച്ചതായി സർക്കാർ അറിയിച്ചു. പി.യു വിദ്യാർഥികൾക്ക്, മെച്ചപ്പെട്ട വിദ്യാഭ്യാസ സൗകര്യം നൽകാനുള്ള ഗ്രാമത്തിന്റെ ഭാഗമായാണിത്. കഴിഞ്ഞ ഡിസംബറിൽ ചേർന്ന മന്ത്രിസഭാ യോഗത്തിലായിരുന്നു തീരുമാനം. നടപ്പ് അധ്യയന വർഷം മുതൽ തീരുമാനം നടപ്പാക്കി തുടങ്ങുമെന്ന് മുഖ്യമന്ത്രി സിദ്ധരാമയ്യ പറഞ്ഞു.
ഘട്ടങ്ങളായാണ് പദ്ധതി നടപ്പാക്കുന്നത്. ധാർവാഡ് കുണ്ടഗോളിലെ ശ്രീ സതസ്ഥല ബ്രഹ്മ ശിതികണ്ഠേശ്വർ ശിവാർച്യ മഹാസ്വാമിജി ഗവ.പി.യു കോളേജ്, നളവാടിയിലെ സർക്കാർ പി.യു കോളജ്, കലഘടഗിയിലെ പി.യു. കോളേജ് എന്നിവിടങ്ങളിലാണ് ആദ്യഘട്ടത്തിൽ നവീകരണ പ്രവൃത്തി ഏറ്റെടുത്തത്. സയൻസ് ലാബുകൾ, ഡിജിറ്റൽ ലൈബ്രറി സംവിധാനങ്ങൾ എന്നിവയാണ് പുതുതായി കോളേജുകളിൽ ക്രമീകരിച്ചിരിക്കുന്നത്. ഓരോ കോളേജിൻ്റെയും വികസനത്തിന് 9 ലക്ഷം രൂപയോളം അധികം ചെലവഴിക്കും.
ഈ കോളേജുകളിലെല്ലാം കമ്പ്യൂട്ടർ സയൻസ് വിഷയം അവതരിപ്പിക്കാൻ അനുമതി നൽകിയിട്ടുണ്ടെന്ന് ധാർവാഡിലെ പ്രീ-യൂണിവേഴ്സിറ്റി ഡിപ്പാർട്ട്‌മെൻ്റ് ഡെപ്യൂട്ടി ഡയറക്ടർ സുരേഷ് കെപി പറഞ്ഞു.
രണ്ടാമത്തെ ഘട്ടത്തിൽ ബെംഗളൂരുവിൽ നിന്നുള്ള മൂന്ന് സർക്കാർ പിയു കോളേജുകൾ തിരഞ്ഞെടുക്കുമെന്ന് അദ്ദേഹം വ്യക്തമാക്കി. ഇതിനോടകം എല്ലാ കോളേജുകളിലും പ്രവേശനം ആരംഭിച്ചുകഴിഞ്ഞുവെന്നു, വിദഗ്ധരായ അധ്യാപകർ ഗുണനിലവാരമുള്ള വിദ്യാഭ്യാസം നൽകുന്നുണ്ടെന്നും മുഖ്യമന്ത്രി സിദ്ധരാമയ്യ വിശദീകരിച്ചു.
TAGS: KARNATAKA| COLLEGES| EDUCATION
SUMMARY: Almost 60 pre university colleges of state will be upgraded
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.