ബെംഗളൂരു: ജനതാദൾ എസ് നേതാവും കേന്ദ്ര മന്ത്രിയുമായ എച്ച്. ഡി. കുമാരസ്വാമിയെ ഖനി അഴിമതി കേസിൽ കുറ്റവിചാരണ ചെയ്യാൻ കർണാടക ലോകായുക്തയുടെ പ്രത്യേക അന്വേഷണ സംഘം (എസ്ഐടി) ഗവർണറുടെ അനുമതി തേടി.
ബല്ലാരിയിലെ സന്ദൂരിൽ ഇരുമ്പ് ഖനനത്തിന് 500 ഏക്കർഭൂമി ശ്രീസായി വെങ്കടേശ്വര മിനറൽസ് എന്ന സ്വകാര്യ കമ്പനിക്ക് പാട്ടത്തിന് നൽകിയതിൽ അഴിമതി ആരോപിച്ചുള്ള കേസാണിത്. 24 കമ്പനികൾ അപേക്ഷിച്ചെങ്കിലും ശ്രീസായി വെങ്കടേശ്വര മിനറൽസിന് കുമാരസ്വാമി വഴിവിട്ട് അനുമതി നൽകിയെന്ന് ചൂണ്ടിക്കാട്ടി 2013 നവംബറിലും 2017 ജൂണിലും ലോകായുക്ത പോലിസ് സർക്കാറിന് റിപ്പോർട്ട് നൽകിയിരുന്നു. കേസിൽ 2015-ൽ കുമാരസ്വാമി അറസ്റ്റിലാകുകയും ജാമ്യത്തിൽ പുറത്തിറങ്ങുകയും ചെയ്തു.
എന്നാൽ കേസിൽ ഇതുവരെ കുറ്റപത്രം സമർപ്പിച്ചിരുന്നില്ല.
കുറ്റപത്രം സമർപ്പിക്കണമെങ്കിൽ ഗവർണറുടെ അനുമതി വേണം. ഇതിനു വേണ്ടിയുള്ള അപേക്ഷയാണ് ലോകായുക്ത ഇപ്പോൾ നൽകിയിരിക്കുന്നത്. 2023 നവംബർ 11 ന് കുറ്റവിചാരണയ്ക്ക് അനുമതി തേടി ലോകായുക്ത പോലീസിൻ്റെ പ്രത്യേക അന്വേഷണ സംഘം ഗവർണറെ സമീപിച്ചിരുന്നു. എന്നാൽ കൂടുതൽ വിശദാംശങ്ങൾ കൂടി സമർപ്പിക്കാൻ ഇക്കഴിഞ്ഞ ജൂലൈ 29 ന് ഗവർണർ നിർദേശിക്കുകയായിരുന്നു.
TAGS : HD KUMARASWAMY | MINE SCAM
SUMMARY : Mine scam. Lokayukta seeks Governor's permission to prosecute Kumaraswamy
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.