ഗതാഗതക്കുരുക്ക്; ഔട്ടർ റിങ് റോഡിലെ ഐടി ജീവനക്കാർക്ക് ഇന്ന് വർക്ക് ഫ്രം ഹോം
ബെംഗളൂരു: ഗതാഗതക്കുരുക്ക് കണക്കിലെടുത്ത് ഐടി ജീവനക്കാർക്കായി വർക്ക് ഫ്രം ഹോം നടപ്പിലാക്കാൻ ഔട്ടർ റിംഗ് റോഡ് കമ്പനീസ് അസോസിയേഷനോട് നിർദേശിച്ച് ബെംഗളൂരു ട്രാഫിക് പോലീസ്. ഔട്ടർ റിങ് റോഡിൽ ഇന്നും നാളെയും ഗതാഗതക്കുരുക്ക് കൂടുതലായിരിക്കുമെന്നും, ഇക്കാരണത്താൽ വീട്ടിലിരുന്ന് ജോലി ചെയ്യാൻ സാധിക്കുന്ന ജീവനക്കാർക്ക് ഇന്ന് വർക്ക് ഫ്രം ഹോം നൽകുമെന്ന് കമ്പനി അറിയിച്ചതായി ബെംഗളൂരു സിറ്റി ജോയിൻ്റ് കമ്മീഷണർ ഓഫ് പോലീസ് (ട്രാഫിക്) എം. എൻ. അനുചേത് പറഞ്ഞു.
ഇതുവഴി റോഡിലെ വാഹനങ്ങളുടെ എണ്ണം കുറയ്ക്കുക മാത്രമല്ല, മറ്റുള്ളവർക്ക് സുഗമമായ യാത്ര ഉറപ്പാക്കുകയും ചെയ്യുമെന്ന് അദ്ദേഹം പറഞ്ഞു. സ്വാതന്ത്ര്യദിനം (ഓഗസ്റ്റ് 15, വ്യാഴം), വരമഹാലക്ഷ്മി (ഓഗസ്റ്റ് 16, വെള്ളി), ശനി, ഞായർ എന്നിവയുൾപ്പെടെയുള്ള അവധി ദിവസങ്ങൾ കണക്കിലെടുത്താണ് തീരുമാനം. കഴിഞ്ഞ വർഷം സെപ്റ്റംബർ 27ന് ഔട്ടർ റിംഗ് റോഡിൽ കെആർ പുരത്തേക്കുള്ള റോഡിൽ മണിക്കൂറുകൾ നീണ്ട ഗതാഗതക്കുരുക്കായിരുന്നു അനുഭവപ്പെട്ടത്.
സർജാപുർ റോഡ്, മാറത്തഹള്ളി, കെആർ പുരം, പരിസര പ്രദേശങ്ങൾ എന്നിവയുൾപ്പെടെ ഔട്ടർ റിങ് റോഡിൻ്റെ വിവിധ ഭാഗങ്ങളിൽ ലക്ഷക്കണക്കിന് യാത്രക്കാരാണ് മണിക്കൂറുകളോളം ഗതാഗത കുരുക്കിൽ കുടുങ്ങി. സമാന സ്ഥിതി ഇ വർഷവും തുടരാതിരിക്കാനാണ് നടപടി. സിൽക്ക് ബോർഡ് ജംഗ്ഷൻ മുതൽ കെആർ പുരം വരെയും പിന്നീട് എയർപോർട്ട് റോഡിലേക്കും നീളുന്ന മെട്രോ ജോലികൾ ഔട്ടർ റിങ് റോഡിലെ ഗതാഗതക്കുരുക്ക് വർധിപ്പിക്കുന്നുണ്ട്. ഇക്കാരണത്താൽ ഇന്നും നാളെയും ജീവനക്കാർ കമ്പനികളിലേക്ക് പോയാൽ ഗതാഗതക്കുരുക്ക് വർധിക്കുമെന്നും അനുചേത് കൂട്ടിച്ചേർത്തു.
Bengaluru Traffic Police on August 13 instructed companies along the Outer Ring Road (ORR) to implement work-from-home (WFH) arrangements on August 14, citing the long weekend and potential heavy rainfall. https://t.co/ri0lgqaWti pic.twitter.com/Myh7ggtSGq
— Chandra R. Srikanth (@chandrarsrikant) August 13, 2024
TAGS: BENGALURU | TRAFFIC
SUMMARY: Bengaluru traffic police urges IT employees to work from home in view of expected traffic congestion ahead of long weekend
ഞങ്ങളുടെ Facebook ലും Twitter ലും അംഗമാകൂ. ഓരോ വാര്ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.