ഒറ്റദിവസത്തിനിടെ 2,500 പോലീസുകാർക്ക് സിപിആർ പരിശീലനം; ലോക റെക്കോർഡുമായി സിറ്റി പോലീസ്
ബെംഗളൂരു: ഒരു ദിവസത്തിനിടെ 2,500 പോലീസുകാർക്ക് കാർഡിയോ പൾമണറി റെസസിറ്റേഷനിലും (സിപിആർ) അടിസ്ഥാന പ്രഥമശുശ്രൂഷ ലൈഫ് സപ്പോർട്ടിലും പരിശീലനം നൽകി ലോക റെക്കോർഡ് സൃഷ്ടിച്ച് ബെംഗളൂരു സിറ്റി പോലീസ്. ലാൻഡൻ ബുക്ക് ഓഫ് റെക്കോർഡ്സിലാണ് സിറ്റി പോലീസ് ഇടംനേടിയിരിക്കുന്നത്.
ജനുവരി 14-ന് സങ്കൽപ ചേസ് കാൻസർ ഫൗണ്ടേഷൻ്റെ സഹകരണത്തോടെ ശ്രീ കണ്ഠീരവ ഇൻഡോർ സ്റ്റേഡിയത്തിൽ നടന്ന പരിശീലനത്തിൽ ട്രാഫിക് പോലീസ്, വിധാന സൗധയിലെ സുരക്ഷാ ഉദ്യോഗസ്ഥർ, രാജ് ഭവനിലെ 48 സുരക്ഷാ ഉദ്യോഗസ്ഥർ എന്നിവർ പങ്കെടുത്തിരുന്നു.
ലോകത്ത് ഇതുവരെ ഏതാനും രാജ്യങ്ങൾ മാത്രമാണ് ഇത്തരമൊരു പരിശീലനം സംഘടിപ്പിച്ചിട്ടുള്ളത്. ചെക്ക് റിപ്പബ്ലിക്കിലെ ജനസംഖ്യയുടെ 90 ശതമാനം പേർ സിപിആറിൽ പരിശീലനം നേടിയവരാണ്. യുണൈറ്റഡ് സ്റ്റേറ്റ്സ് ഓഫ് അമേരിക്കയിലെ ജനസംഖ്യയുടെ 30 ശതമാനം പേർ സിപിആറിലും ലൈഫ് സപ്പോർട്ട് വൈദഗ്ധ്യത്തിലും പരിശീലനം നേടിയിട്ടുണ്ട്. എന്നിരുന്നാലും, ഇന്ത്യയിലെ ജനങ്ങൾക്കിടയിൽ സിപിആർ അവബോധവും പരിശീലനവും 0.05 ശതമാനമാണെന്ന് പരിപാടിയുടെ സംഘാടകരിലൊരാളായ ഡോ. ശാലിനി ആൽവ പറഞ്ഞു.
ഈ സാഹചര്യത്തിലും ഒറ്റദിവസം കൊണ്ട് 2500 പേർക്ക് പരിശീലനം നൽകിയതിലൂടെ സിറ്റി പോലീസ് മാതൃക ആയിരിക്കുകയാണെന്ന് ഡോ. ശാലിനി പറഞ്ഞു. പരിപാടിയുടെ സംഘാടകർ ചൊവ്വാഴ്ച സിറ്റി പോലീസ് കമ്മീഷണർ ബി.ദയാനന്ദിന് ലോക റെക്കോർഡ് സർട്ടിഫിക്കറ്റ് കൈമാറി.
TAGS: BENGALURU | CITY POLICE
SUMMARY: Bengaluru City Police set world record in cpr skill training
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.