ബെംഗളൂരു: കലബുർഗിയെ സ്‌മാർട്ട് സിറ്റിയാക്കി വികസിപ്പിക്കാൻ സർക്കാർ പദ്ധതിയിടുന്നതായി മുഖ്യമന്ത്രി സിദ്ധരാമയ്യ. 1,685 കോടി രൂപ മുതൽ മുടക്കിൽ കല്യാണ കർണാടക മേഖലയിൽ വികസനം ഉറപ്പാക്കുമെന്നും അദ്ദേഹം പറഞ്ഞു. മഹാത്മാഗാന്ധി നഗർ വികാസ് യോജന 2.0 പ്രകാരം കലബുർഗി, ബെല്ലാരി മുനിസിപ്പൽ കോർപ്പറേഷനുകളിലുളള അടിസ്ഥാന സൗകര്യ വികസനത്തിന് 200 കോടി രൂപ നൽകുമെന്ന് അദ്ദേഹം പറഞ്ഞു.
കല്യാണ കർണാടക അമൃത് മഹോത്സവത്തോടനുബന്ധിച്ചും ഭരണഘടനയുടെ 371 (ജെ) വകുപ്പ് പ്രകാരം കല്യാണ കർണാടകയ്ക്ക് പ്രത്യേക പദവി നൽകിയതിൻ്റെ പത്താം വാർഷികത്തോടനുബന്ധിച്ചും നടന്ന ചടങ്ങിലാണ് മുഖ്യമന്ത്രിയുടെ പ്രഖ്യാപനം.
ബെംഗളൂരുവിന് സമാനമായി കലബുർഗിയെ വികസിപ്പിക്കുകയാണ് ലക്ഷ്യം. കല്യാണ കർണാടക മേഖലയിലെ റോഡ് കണക്റ്റിവിറ്റിയും ഗ്രാമീണ വികസനവും മെച്ചപ്പെടുത്തുന്നതിനായി കല്യാണ പാത എന്ന പേരിൽ പദ്ധതി വികസിപ്പിച്ചെടുത്തിട്ടുണ്ട്. ഇതനുസരിച്ച് 1000 കോടി രൂപ മുതൽമുടക്കിൽ മണ്ഡലത്തിൽ സംസ്ഥാന സർക്കാർ 1150 കിലോമീറ്റർ റോഡ് നിർമിക്കുമെന്നും അദ്ദേഹം കൂട്ടിച്ചേർത്തു. റായ്ച്ചൂരിൽ എയിംസ് ഇൻസ്റ്റിറ്റ്യൂട്ട് സ്ഥാപിക്കുന്നതിന് ആവശ്യമായ എല്ലാ പിന്തുണയും സർക്കാർ നൽകും. എയിംസ് ആരംഭിക്കുന്നതിനുള്ള അടിയന്തര നടപടികൾ സ്വീകരിക്കണമെന്ന് കേന്ദ്ര സർക്കാരിനോട് അഭ്യർഥിക്കുമെന്ന് അദ്ദേഹം വ്യക്തമാക്കി.
2024-25ൽ ഏഴ് ജില്ലകളിൽ മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതിക്ക് (എംജിഎൻആർഇജിഎസ്) കീഴിൽ 4.85 കോടി വ്യക്തിഗത തൊഴിൽ ദിനങ്ങൾ സൃഷ്‌ടിക്കാനായി സംസ്ഥാന സർക്കാർ ലക്ഷ്യമിടുന്നുണ്ട്. അഞ്ജനാദ്രി മലയിലും കോപ്പാൾ ജില്ലയിലെ പരിസര പ്രദേശങ്ങളിലും ടൂറിസം വികസിപ്പിക്കുന്നതിൻ്റെ ഭാഗമായി 100 കോടി രൂപ അനുവദിക്കുമെന്ന് അദ്ദേഹം പറഞ്ഞു.
TAGS: KARNATAKA | KALABURGI
SUMMARY: Karnataka govt planning to develop kalaburgi as smart city, says cm
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.