ബെംഗളൂരു: ബെംഗളൂരുവിൽ നിന്ന് ഒഡീഷയിലെ പുരിയിലേക്ക് സർവീസ് പ്രഖ്യാപിച്ച് കർണാടക ആർടിസി. ഭുവനേശ്വർ, കട്ടക്ക് എന്നീ നഗരങ്ങളിലേക്കും സർവീസ് ആരംഭിക്കാൻ കെഎസ്ആർടിസി പദ്ധതിയിടുന്നുണ്ട്.
തിരുപ്പതി, വിജയവാഡ, വിശാഖപട്ടണം വഴി 18 മണിക്കൂർ സഞ്ചരിക്കുന്ന സർവീസുകളാണ് ആർടിസി ലക്ഷ്യമിടുന്നത്. നിലവിൽ, ബെംഗളൂരുവിൽ നിന്ന് ഷിർദ്ദിയിലേക്കുള്ള 1,058 കിലോമീറ്ററാണ് നഗരത്തിൽ നിന്ന് നടത്തുന്ന ഏറ്റവും ദൈർഘ്യമേറിയ ബസ് സർവീസ്.
പുരിയിലെ ജഗന്നാഥ ക്ഷേത്രത്തിലേക്ക് ബസ് സർവീസ് ഏർപ്പെടുത്താൻ കെഎസ്ആർടിസിക്ക് നിരവധി നിവേദനങ്ങൾ ലഭിച്ചിട്ടുണ്ടെന്ന് ഗതാഗത മന്ത്രി രാമലിംഗ റെഡ്ഡി പറഞ്ഞു. ഇത് കെഎസ്ആർടിസിയുടെ ഏറ്റവും ദൈർഘ്യമേറിയ റൂട്ടായതിനാൽ പുതിയ യൂറോപ്യൻ ശൈലിയിലുള്ള, എയർകണ്ടീഷൻ ചെയ്ത സ്ലീപ്പർ അമ്പാരി ഉത്സവ് ബസുകൾ വിന്യസിക്കാനാണ് തീരുമാനമെന്ന് അദ്ദേഹം പറഞ്ഞു.
സർവീസ് നടത്തുന്നതിനായി ഒഡീഷ സ്റ്റേറ്റ് റോഡ് ട്രാൻസ്പോർട്ട് കോർപ്പറേഷനുമായി ചർച്ച പുരോഗമിക്കുകയാണ്. ബസ് റൂട്ട് കടന്നുപോകുന്ന ആന്ധ്രാപ്രദേശ്, തെലങ്കാന എന്നിവിടങ്ങളിൽ നിന്ന് കെഎസ്ആർടിസിക്ക് അനുകൂല പ്രതികരണങ്ങളും ലഭിച്ചതായി അദ്ദേഹം പറഞ്ഞു. ഈ റൂട്ടുകൾ ഒഡീഷയെ മാത്രമല്ല, ആന്ധ്രാപ്രദേശിലെ തിരുപ്പതി, വിജയവാഡ, വിശാഖപട്ടണം തുടങ്ങിയ പ്രധാന സ്ഥലങ്ങളെയും ബന്ധിപ്പിക്കുമെന്ന് അദ്ദേഹം കൂട്ടിച്ചേർത്തു.
TAGS: BENGALURU | KSRTC
SUMMARY: KSRTC announce bus service from bengaluru to puri
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.