ബെംഗളൂരു: മദ്യപിച്ച് വാഹനമോടിച്ച 21 സ്കൂൾ ബസ് ഡ്രൈവർമാർക്കെതിരെ കേസെടുത്തു. തിങ്കളാഴ്ച നടന്ന സ്പെഷ്യൽ ഡ്രൈവിലാണ് കേസുകൾ രജിസ്റ്റർ ചെയ്തത്. നഗരത്തിലുടനീളം 3,924 സ്കൂൾ വാഹനങ്ങളാണ് തിങ്കളാഴ്ച ട്രാഫിക് പോലീസിന്റെ സ്പെഷ്യൽ ടീമുകൾ പരിശോധിച്ചത്.
നിശ്ചിത പരിമിതിയിൽ കൂടുതൽ സ്കൂൾ കുട്ടികളെ കയറ്റിയ 445 വാഹനങ്ങളും പിടികൂടിയതായി ട്രാഫിക് പോലീസ് പറഞ്ഞു. 21 ഡ്രൈവർമാർ മദ്യപിച്ച് വാഹനമോടിച്ചതായി ജോയിൻ്റ് പോലീസ് കമ്മീഷണർ (ട്രാഫിക്) എം. എൻ. അനുചേത് പറഞ്ഞു. ഈ വാഹനങ്ങൾ പോലീസ് പിടിച്ചെടുത്തിട്ടുണ്ട്. ഇവയുടെ പെർമിറ്റുകൾ റദ്ദാക്കാൻ അതാത് റീജിയണൽ ട്രാൻസ്‌പോർട്ട് ഓഫീസുകൾക്ക് നിർദേശം നൽകിയതായി അദ്ദേഹം പറഞ്ഞു. വാഹനങ്ങൾ തുടർനടപടികൾക്കായി ഗതാഗത വകുപ്പിന് അയച്ചിട്ടുണ്ട്.
ഈസ്റ്റ് സോണിൽ സ്കൂൾ ബസ് ഡ്രൈവർമാർ മദ്യപിച്ച് വാഹനമോടിച്ചതിന് എട്ട് കേസുകളും അധിക കുട്ടികളെ കയറ്റിയതിന് 100 കേസുകളും റിപ്പോർട്ട് ചെയ്തിട്ടുണ്ട്. ഈ മേഖലയിൽ മാത്രം 20,000 രൂപ പിഴ ഈടാക്കിയതായി അദ്ദേഹം പറഞ്ഞു. ബെംഗളൂരു സൗത്തിൽ മദ്യപിച്ച് വാഹനമോടിച്ചതിന് രണ്ടു കേസുകളും അധിക കുട്ടികളെ കയറ്റിയതിന് 94 കേസുകളും രേഖപ്പെടുത്തി. വെള്ളിയാഴ്ച വരെ സ്പെഷ്യൽ ഡ്രൈവ് തുടരുമെന്ന് അനുചേത് വ്യക്തമാക്കി.
TAGS: BENGALURU | TRAFFIC POLICE
SUMMARY: Traffic cops crack down on drunk school bus drivers in Bengaluru, 21 booked
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.