ബെംഗളൂരു: ഒളിവിലായിരുന്ന മുൻ മുഡ കമ്മീഷണർ എൻഫോഴ്‌സ്‌മെൻ്റ് ഡയറക്ടറേറ്റ് (ഇഡി) ഉദ്യോഗസ്ഥർക്ക് മുമ്പാകെ ഹാജരായി. മൈസൂരു അർബൻ ഡെവലപ്‌മെൻ്റ് അതോറിറ്റി (മുഡ) മുൻ കമ്മീഷണറും ഐഎഎസ് ഉദ്യോഗസ്ഥനുമായ ദിനേശ് കുമാർ ആണ് ഇഡിയുടെ മൈസൂരു ഓഫിസിൽ ഹാജരായത്.
ഒക്ടോബർ 28ന് ബാനസ്വാഡിയിലെ ദീപിക റോയൽ അപ്പാർട്ട്‌മെൻ്റിലെ വസതിയിൽ ഇഡി ഉദ്യോഗസ്ഥർ റെയ്ഡ് നടത്തിയത് മുതൽ ദിനേശ് ഒളിവിലായിരുന്നു. 29ന് രാവിലെ നടക്കാൻ പോയ ഇയാൾ തിരിച്ചെത്തിയിട്ടില്ലെന്നായിരുന്നു കുടുംബം പറഞ്ഞത്. മുഡ അഴിമതിയുമായി ബന്ധപ്പെട്ട് ചോദ്യം ചെയ്യലിന് ഹാജരാകാൻ ആവശ്യപ്പെട്ട് ഇഡി കുമാറിന് സമൻസ് അയച്ചിരുന്നു. എന്നാൽ ഇത് ഒഴിവാക്കാനായി ഒളിവിൽ പോകുകയായിരുന്നുവെന്ന് ദിനേശ് മൊഴി നൽകിയതായി ഇഡി വൃത്തങ്ങൾ പറഞ്ഞു.
2022-ലാണ് മുഡ കമ്മീഷണറായി ജി.ടി. ദിനേശ് കുമാർ ചുമതലയേറ്റത്. 50:50 ഭൂമി സ്കീമിന് കീഴിലുള്ള അനധികൃത സൈറ്റ് വിതരണത്തിൽ പങ്കുണ്ടെന്ന ആരോപണം ഉയർന്നതിനെത്തുടർന്ന് ദിനേഷിനെ സ്ഥലം മാറ്റിയിരുന്നു. പിന്നീട് ഹാവേരി സർവകലാശാലയിൽ രജിസ്ട്രാറായി നിയമിതനായി. എന്നാൽ നിയമനം ഏറെ വിവാദമായതോടെ സർക്കാർ ഉത്തരവ് റദ്ദാക്കിയിരുന്നു.
TAGS: KARNATAKA | MUDA SCAM
SUMMARY: Missing former MUDA commissioner Dinesh appears before ED officials
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.