സ്വകാര്യ സ്കൂളുകളിലേക്കുള്ള അധ്യാപക റിക്രൂട്ട്മെന്റ്; ഓൺലൈൻ അപേക്ഷ നിർബന്ധമാക്കി
ബെംഗളൂരു: സംസ്ഥാനത്തുടനീളമുള്ള സ്വകാര്യ എയ്ഡഡ് പ്രൈമറി, ഹൈസ്‌കൂളുകളിലെ അധ്യാപക തസ്തികകളിലേക്കുള്ള റിക്രൂട്ട്മെന്റിനു ഓൺലൈൻ അപേക്ഷകൾ നിർബന്ധമാക്കി. റിക്രൂട്ട്‌മെൻ്റ് പ്രക്രിയ കാര്യക്ഷമമാക്കാനും സുതാര്യത വർധിപ്പിക്കാനുമാണ് ലക്ഷ്യമിടുന്നതെന്ന് സർക്കാർ വ്യക്തമാക്കി.
എയ്ഡഡ് സ്കൂൾ ടീച്ചേഴ്‌സ് റിക്രൂട്ട്‌മെൻ്റ് പ്രക്രിയയ്ക്കായി മൊഡ്യൂൾ എന്ന പേരിൽ സമർപ്പിത മൊബൈൽ ആപ്ലിക്കേഷൻ വികസിപ്പിച്ചതായി മുഖ്യമന്ത്രി സിദ്ധരാമയ്യ പറഞ്ഞു. അപേക്ഷകൾ സമർപ്പിക്കുന്നത് മുതൽ ഡോക്യുമെൻ്റ് വെരിഫിക്കേഷൻ വരെയുള്ള മുഴുവൻ റിക്രൂട്ട്‌മെൻ്റ് പ്രക്രിയയും ആപ്പ് വഴിയാണ് കൈകാര്യം ചെയ്യുക.
നിലവിൽ സംസ്ഥാനത്തെ 6,479 സ്വകാര്യ-എയ്ഡഡ് സ്‌കൂളുകളിലായി 33,748 അധ്യാപകർ ജോലി ചെയ്യുന്നുണ്ട്. അധ്യാപക ക്ഷാമം പരിഹരിക്കുന്നതിനായി, 2015 നും 2020 നും ഇടയിൽ ഒഴിഞ്ഞുകിടക്കുന്ന അധ്യാപക തസ്തികകളിലേക്ക് സർക്കാർ അടുത്തിടെ നിയമനം നടത്തിയിരുന്നു. എന്നാൽ ഇതുമായി ബന്ധപ്പെട്ട് നിരവധി പരാതികൾ ഉയർന്നിരുന്നു.
ഇതേതുടർന്നാണ് സർക്കാർ ജോലികൾക്ക് ഉപയോഗിക്കുന്നതുപോലുള്ള സംവിധാനം അധ്യാപക നിയമനത്തിനും ഉപയോഗിക്കാൻ സർക്കാർ പദ്ധതി തയ്യാറാക്കിയത്. നിലവിൽ എല്ലാ സർക്കാർ റിക്രൂട്ട്‌മെൻ്റുകളും ഓൺലൈൻ വഴിയാണ് നടത്തുന്നതെന്ന് പൊതുവിദ്യാഭ്യാസ വകുപ്പ് കമ്മീഷണർ കെ.വി. ത്രിലോകചന്ദ്ര പറഞ്ഞു. ഇതുവഴി ജോലിയിൽ സുതാര്യത ഉറപ്പാക്കാൻ സാധിക്കുന്നുണ്ട്. സ്വകാര്യ സ്കൂൾ അധ്യാപക തസ്തികകൾ നികത്തുന്നതിനും ഇതേ സംവിധാനം നടപ്പാക്കും. ഇതുമായി ബന്ധപ്പെട്ട് വിജ്ഞാപനം ഉടൻ പുറത്തിറക്കുമെന്ന് അദ്ദേഹം കൂട്ടിച്ചേർത്തു.
TAGS: KARNATAKA | TEACHER RECRUITMENT
SUMMARY: Karnataka makes online applications mandatory for private aided school teacher recruitment
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.