കെ.സി. ജനറൽ ആശുപത്രിയിൽ ലോകായുക്ത റെയ്ഡ്; കണ്ടെത്തിയത് ഗുരുതര ക്രമക്കേടുകൾ
ബെംഗളൂരു: മല്ലേശ്വരം കെ.സി. ജനറൽ ആശുപത്രിയിൽ ലോകായുക്ത റെയ്ഡ്. അഴിമതി, ജോലിയിൽ ഉത്തരവാദിത്വമില്ലായ്മ എന്നിവ ചൂണ്ടിക്കാട്ടി നിരവധി പരാതികൾ ഉയർന്നതിനെ തുടന്നാണ് ലോകായുക്ത നടപടി. പരിശോധനയിൽ നിരവധി ആശങ്കാജനകമായ പ്രശ്നങ്ങൾ കണ്ടെത്തിയതായി ലോകായുക്ത ഉദ്യോഗസ്ഥർ പറഞ്ഞു. രോഗികളെ പ്രവേശിപ്പിക്കുന്നതിന് ആശുപത്രി ജീവനക്കാർ കൈക്കൂലി ആവശ്യപ്പെടുന്നതായും കണ്ടെത്തിയിട്ടുണ്ട്.
ഡോക്ടർമാരുടെ കൃത്യമായ ഹാജർനില ആശുപത്രിയിൽ സൂക്ഷിച്ചിട്ടില്ല. ആശുപത്രിയിൽ മരുന്നുകൾ സ്റ്റോക്കുണ്ടെങ്കിലും പുറമെ നിന്നുള്ള ഫാർമസികളിൽ നിന്ന് വാങ്ങേണ്ട മരുന്നുകളാണ് ഡോക്ടർമാർ സ്ഥിരമായി നിർദേശിക്കുന്നത്. ആശുപത്രിയിലെ 10 പ്രത്യേക മുറികളിൽ മൂന്ന് രോഗികളെ മാത്രമാണ് പ്രവേശിപ്പിച്ചിരിക്കുന്നതെന്നും, ആവശ്യത്തിന് ജീവനക്കാരുടെ ലഭ്യതയില്ലെന്നും കണ്ടെത്തി. കാലഹരണപ്പെട്ട മരുന്നുകൾ ഫാർമസികളിൽ സൂക്ഷിച്ചിട്ടുമുണ്ട്. ശുചിത്വവും അടിസ്ഥാന സൗകര്യങ്ങളും പരിതാപകരമായ അവസ്ഥയിലാണെന്നും ലോകായുക്ത ഉദ്യോഗസ്ഥർ പറഞ്ഞു.
ശിശുരോഗ തീവ്രപരിചരണ വിഭാഗത്തിൽ പ്രവർത്തനശേഷിയുള്ള ഒരു വെൻ്റിലേറ്റർ മാത്രമേയുള്ളൂ. ആശുപത്രിയുമായി ബന്ധപ്പെട്ട എല്ലാ പരാതികളും സമഗ്രമായി പരിശോധിച്ച് പോരായ്മകൾ പരിഹരിക്കുമെന്നും ഉത്തരവാദികൾക്കെതിരെ ഉചിതമായ നടപടികൾ സ്വീകരിക്കുമെന്നും ലോകായുക്ത ജസ്റ്റിസ് പാട്ടീൽ പറഞ്ഞു.
TAGS: BENGALURU | LOKAYUKTA RAID
SUMMARY: Lokayukta raid exposes crisis at Bengaluru's KC General hospital
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.