കെഎസ്‌ആര്‍ടിസിക്ക് തിരിച്ചടി; സ്വകാര്യബസുകള്‍ക്ക് 140 കി.മീറ്ററിലധികം ദൂരം പെര്‍മിറ്റ് നല്‍കരുതെന്ന വ്യവസ്ഥ റദ്ദാക്കി
കൊച്ചി: സ്വകാര്യ ബസുകള്‍ക്ക് ദൂരപരിധി നിശ്ചയിച്ചുള്ള മോട്ടോർ വെഹിക്കിള്‍ സ്കീമിലെ വ്യവസ്ഥ റദ്ദാക്കി ഹൈക്കോടതി. 140 കിലോമീറ്റർ അധികം ദൂരം സ്വകാര്യബസ്സുകള്‍ക്ക് പെർമിറ്റ് അനുവദിക്കേണ്ട എന്ന മോട്ടോർ വെഹിക്കിള്‍ സ്കീമിലെ വ്യവസ്ഥയാണ് ഹൈക്കോടതി ജസ്റ്റിസ് ഡി കെ സിങ് റദ്ദാക്കിയത്.
സ്വകാര്യ ബസ്സുടമയായ കാലാവസ്ഥ ബേബി ജോസഫ് ഉള്‍പ്പെടെ ഇത്തരമൊരു വ്യവസ്ഥ നിയമവിരുദ്ധമായതിനാല്‍ നിലനില്‍ക്കില്ലെന്ന് ചൂണ്ടിക്കാട്ടി കോടതിയില്‍ ഹർജി സമർപ്പിച്ചിരുന്നു. ഈ ഹർജിയിലാണ് ഹൈക്കോടതിയുടെ സുപ്രധാന നടപടി. പുതിയ വ്യവസ്ഥ അനുസരിച്ചുള്ള റൂട്ട് ദേശസാല്‍ക്കരണ നടപടി ഗുണകരമാണെന്ന് കെഎസ്‌ആർടിസി വാദിച്ചിരുന്നു.
ഈ കഴിഞ്ഞ മെയ് മൂന്നിനാണ് സർക്കാർ ഈ സ്കീമിന് അംഗീകാരം നല്‍കിയത്. അംഗീകാരം ലഭിച്ച ഇതിനോടകം തന്നെ ഒട്ടേറെ തവണ കോടതിയില്‍ സ്കീമിലെ വ്യവസ്ഥ ചോദ്യം ചെയ്യപ്പെടുകയും ചെയ്തിട്ടുണ്ട്. ദീർഘദൂര റൂട്ടില്‍ സർവീസ് നടത്തിയിരുന്ന സ്വകാര്യബസ്സുകള്‍ക്ക് സ്കീം നിലവില്‍ വന്നതോടെ പെർമിറ്റ് പുതുക്കാൻ സാധിക്കാതെ വരികയും സ്വകാര്യബസ്സുടമകള്‍ കോടതിയെ സമീപിക്കാൻ തീരുമാനിക്കുകയും ചെയ്യുകയായിരുന്നു.
നിയമവ്യവസ്ഥ അനുസരിച്ച്‌ കരട് പ്രസിദ്ധപ്പെടുത്തി ഒരു വർഷത്തിനുള്ളില്‍ ബന്ധപ്പെട്ട കക്ഷികളെ കേട്ട് സ്കീം അന്തിമമാക്കണം എന്നിരിക്കെ 2020 സെപ്റ്റംബർ 14ന് പ്രസിദ്ധീകരിച്ച സ്കീമിന്റെ സമയപരിധി കഴിഞ്ഞ് അന്തിമമാക്കിയത് നിലനില്‍ക്കില്ലെന്നായിരുന്നു നിലവില്‍ 140 കിലോമീറ്റർ കൂടിയ റൂട്ടില്‍ സേവ്ഡ് പെർമിറ്റ് ഉള്ള ഹർജിക്കാരുടെ പ്രധാന വാദം.
വ്യവസ്ഥ പരിഗണിക്കാതെ പെർമിറ്റ് പുതുക്കി നല്‍കണമെന്നും റൂട്ട് ദൈർഘ്യം 140 കിലോമീറ്റർ ആക്കി പരിമിതപ്പെടുത്തിയ സ്കീം വ്യവസ്ഥ റദ്ദാക്കണമെന്നും ഹർജിക്കാർ ആവശ്യപ്പെട്ടിരുന്നു. കഴിഞ്ഞവർഷം 140 കിലോമീറ്ററിനു മുകളില്‍ സർവീസിന് പെർമിറ്റ് ഉണ്ടായിരുന്ന സ്വകാര്യ ബസുകളുടെ പെർമിറ്റ് താല്‍ക്കാലികമായി പുതുക്കി നല്‍കാനും കോടതി നിർദ്ദേശിച്ചിരുന്നു.
TAGS : KSRTC | HIGH COURT
SUMMARY : The condition of not issuing permit to private buses for a distance of more than 140 km has been cancelled
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.