കളര്കോട് വാഹനാപകടം; മരിച്ച വിദ്യാര്ഥികള്ക്ക് യാത്രാമൊഴി നല്കി സഹപാഠികളും, അധ്യാപകരും
ആലപ്പുഴ: കളര്ക്കോട്ട് വാഹനാപകടത്തില് ജീവന് പൊലിഞ്ഞ അഞ്ച് മെഡിക്കല് വിദ്യാര്ഥികള്ക്ക് കേരളത്തിന്റെ അന്ത്യാഞ്ജലി നല്കി സഹപാഠികളും അധ്യാപകരും. ഏറെ പ്രതീക്ഷയോടെ ഒരുമാസം മുന്പ് വണ്ടാനം മെഡിക്കല് കോളജിലെത്തിയവരാണ് ഇന്ന് ചേതനയറ്റ് ക്യാമ്പസിലേക്ക് അവസാനമായി എത്തിയത്. കോളജ് കാമ്പസില് പൊതുദര്ശനത്തിന് വെച്ച മൃതദേഹങ്ങള് കാണാന് നിരവധിയാളുകളാണ് എത്തിയത്.
ഇബ്രാഹിം, ദേവാനന്ദ്, ആയുഷ് രാജ്, ശ്രീദീപ്, മുഹമ്മദ് ജബ്ബാര് എന്നിവരാണ് അപകടത്തില് മരിച്ചത്. ചൊവ്വാഴ്ച ഉച്ചയ്ക്ക് 12 മണിയോടെയാണ് പോസ്റ്റ്മോര്ട്ട നടപടികള് പൂര്ത്തിയാക്കി വിദ്യാര്ഥികളുടെ മൃതദേഹങ്ങള് ക്യാമ്പസിലെത്തിച്ചത്. മെഡിക്കല് കോളേജിലെ സെന്ട്രല് ലൈബ്രറി ഹാളിലാണ് പൊതുദര്ശനം. ആരോഗ്യമന്ത്രി വീണാ ജേര്ജ്, മന്ത്രിമാരായ സജി ചെറിയാന്, പി പ്രസാദ്, എംഎല്എ ചിത്തരഞ്ജന് തുടങ്ങിയവര് മൃതദേഹങ്ങള് ഏറ്റുവാങ്ങി. ഗവര്ണര് ആരിഫ് മുഹമ്മദ് ഖാന് ആശുപത്രിയിലെത്തി അന്ത്യാഞ്ജലി അര്പ്പിച്ചിച്ചിരുന്നു.
വന് ജനാവലി വിടനല്കിയതിന് പിന്നാലെ, മൃതദേഹങ്ങള് അവരവരുടെ വീടുകളിലേക്ക് കൊണ്ടുപോയി. ആയുഷ് ഷാജിയുടെ മൃതദേഹം കാവാലത്തെ വീട്ടിലെത്തിച്ചു. ഇന്ഡോറിലുള്ള മാതാപിതാക്കളും സഹോദരിയും വൈകിട്ടോടെ വീട്ടിലെത്തും. കോട്ടയം മറ്റക്കര സ്വദേശി ദേവനന്ദന്റെ മൃതദേഹം കുടുംബ വീട്ടിലെത്തിച്ചു. ലക്ഷദ്വീപ് ആന്ത്രോത്ത് സ്വദേശിയായ മുഹമ്മദ് ഇബ്രാഹിമിന്റെ മൃതദേഹം കൊച്ചി ടൗണ് ജുമാ മസ്ജിദില് കബറടക്കി. പാലക്കാട് സ്വദേശി ശ്രീദീപ് വല്സന്റെ മൃതദേഹം നാലരയോടെ ശേഖരിപുരത്തെ വീട്ടിലെത്തിക്കും. സംസ്കാരം വൈകിട്ട് ആറിന് ചന്ദ്രനഗര് ശ്മശാനത്തില് നടക്കും.
അതേസമയം പരുക്കേറ്റ ആറുപേരില് രണ്ടുവിദ്യാര്ഥികളുടെ നില ഗുരുതരമാണ്. രാത്രിയില് സിനിമയ്ക്ക് പോയ വിദ്യാര്ഥികളുടെ കാര് കെഎസ്ആര്ടിസി ബസിലേക്ക് ഇടിച്ചുകയറുകയായിരുന്നു. ആലപ്പുഴ മെഡി.കോളജിലെ 11 വിദ്യാര്ഥികളാണ് കാറിലുണ്ടായിരുന്നത്. അഞ്ചുപേര് മരിച്ചു. ആറുവിദ്യാര്ഥികള്ക്ക് പരുക്കേറ്റു. പരുക്കേറ്റ് ചികില്സയിലുള്ള ഗൗരീശങ്കറാണ് കാര് ഓടിച്ചിരുന്നത്. രണ്ട് വിദ്യാര്ഥികള് ബൈക്കില് ഇവരുടെ പിന്നില് സഞ്ചരിച്ചിരുന്നു.
കാലപ്പഴക്കമുള്ള വാഹനം അമിതഭാരം വഹിച്ചിരുന്നെന്ന് ജില്ലാ കലക്ടര് അലക്സ് വര്ഗീസ് മനോരമ ന്യൂസിനോട് പറഞ്ഞു. അപകടസമയത്ത് കാര് ഓടിച്ചത് അഞ്ച് മാസം മുന്പ് ലൈസന്സ് എടുത്ത വിദ്യാര്ഥിയാണെന്നും പരിചയക്കുറവ് അപകടത്തിന് പ്രധാന കാരണമായെന്നും ആര് ടി ഒ പറഞ്ഞു.
TAGS : ACCIDENT
SUMMARY : Car accident in Kalarkod; Classmates and teachers gave farewell to the dead students
ഞങ്ങളുടെ Facebook ലും Twitter ലും അംഗമാകൂ. ഓരോ വാര്ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള് പ്ലേ സ്റ്റോറില് ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്സ്റ്റാള് ചെയ്ത ശേഷം വാര്ത്തയുടെ ഒന്നിച്ചുള്ള ഓഡിയോ ബട്ടണ് അമര്ത്തിയാല് നമ്മുക്ക് വാര്ത്ത കേള്ക്കാനും സാധിക്കും. ഡൗണ്ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്ലോഡ് ചെയ്യുന്നതില് സാങ്കേതിക ബുദ്ധിമുട്ട് നേരിടുന്നുവെങ്കില് വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള് വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള് മലയാളത്തിലോ ഇംഗ്ലീഷിലോ മാത്രം എഴുതുക. വാര്ത്തകളോട് പ്രതികരിക്കുന്നവര് അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. കേന്ദ്രസര്ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള് നടത്തുന്നത് ശിക്ഷാര്ഹമായ കുറ്റമാണ്.