തിരുവനന്തപുരം: വിഖ്യാത ഇറാനിയന് സംവിധായകന് മുഹമ്മദ് റസൂലോഫ് 30ാമത് ഐ.എഫ്.എഫ്.കെയിലെ മല്സരവിഭാഗത്തിന്റെ ജൂറി ചെയര്പേഴ്സണ് ആയി പ്രവര്ത്തിക്കും. കഴിഞ്ഞ വര്ഷത്തെ കാന് ചലച്ചിത്രമേളയില് നാല് പുരസ്കാരങ്ങള് നേടിയ ‘ദ സീഡ് ഓഫ് ദ സേക്രഡ് ഫിഗ്’ ഉള്പ്പെടെ നാലു ചിത്രങ്ങളിലൂടെ എട്ട് പുരസ്കാരങ്ങള് കാന് മേളയില്നിന്ന് തന്നെ നേടിയ അപൂര്വം സംവിധായകരിലൊരാളാണ് റസൂലോഫ്.
ബെര്ലിന് മേളയിലെ ഗോള്ഡന് ബെയര്, ഗോവ ചലച്ചിത്രമേളയിലെ സുവര്ണമയൂരം, ഷിക്കാഗോ ഫെസ്റ്റിവലിലെ സില്വര് ഹ്യൂഗോ തുടങ്ങി നിരവധി അന്താരാഷ്ട്ര അംഗീകാരങ്ങള് നേടിയ റസൂലോഫിനെ 2025ല് ലോകത്തെ ഏറ്റവും സ്വാധീനശക്തിയേറിയ 100 വ്യക്തികളിലൊരാളായി ടൈം മാഗസിന് തെരഞ്ഞെടുത്തിട്ടുണ്ട്.
സ്വതന്ത്രമായ ചലച്ചിത്രപ്രവര്ത്തനത്തിന്റെ പേരില് ഇറാന് ഭരണകൂടത്തിന്റെ സെന്സര്ഷിപ്പിനും ശിക്ഷാവിധികള്ക്കും ഇരയായ റസൂലോഫ് രാജ്യഭ്രഷ്ടനായി നിലവില് ജര്മനിയിലാണ് കഴിയുന്നത്. ഇതുവരെ അഞ്ച് ഫീച്ചര് സിനിമകള് സംവിധാനം ചെയ്തിട്ടുണ്ടെങ്കിലും ഒന്നുപോലും ഇറാനില് പ്രദര്ശിപ്പിക്കാനായിട്ടില്ല. 2010ല് ജാഫര് പനാഹിയോടൊപ്പം ഒരു സിനിമ ചിത്രീകരിക്കുന്നതിനിടെ അറസ്റ്റ് ചെയ്യപ്പെടുകയും ആറു വര്ഷത്തെ തടവിന് ശിക്ഷിക്കപ്പെടുകയും ചെയ്തു.
കഴിഞ്ഞ വര്ഷം ‘ദ സീഡ് ഓഫ് ദ സേക്രഡ് ഫിഗ്’ കാന്മേളയുടെ മല്സരവിഭാഗത്തിലേക്കു തെരഞ്ഞെടുക്കപ്പെട്ടപ്പോള് എട്ടുവര്ഷം തടവും ചാട്ടവാറടിയും പിഴയുമാണ് അദ്ദേഹത്തിന് ലഭിച്ച ശിക്ഷ. ദ റ്റ്വിലൈറ്റ്, അയേണ് ഐലന്ഡ്, എ മാന് ഓഫ് ഇന്റഗ്രിറ്റി, ദെര് ഈസ് നോ ഇവിള്’ എന്നിവയാണ് മറ്റ് പ്രധാന സിനിമകള്.
വിഖ്യാത സ്പാനിഷ് നടി ആന്ഗെലാ മോലിന, വിയറ്റ്നാമീസ് സംവിധായകനും എഴുത്തുകാരനുമായ ബുയി താക് ചുയന്, മലേഷ്യന് സംവിധായകനായ എഡ്മണ്ട് ഇയോ, ബ്രിട്ടീഷ് ഇന്ത്യന് സംവിധായിക സന്ധ്യ സൂരി എന്നിവരാണ് അന്താരാഷ്ട്ര മല്സരവിഭാഗത്തിലെ മറ്റ് അംഗങ്ങള്. ബുസാന്, ഷാങ്ഹായ് മേളകളില് പുരസ്കാരങ്ങള് നേടിയ സിനിമകളുടെ സംവിധായകനാണ് ബുയി താക് ചുയന്. വെനീസ്, കാന്, ലൊകാര്ണോ, ടൊറന്റോ മേളകളിലേക്ക് തെരഞ്ഞെടുക്കപ്പെട്ട സിനിമകളുടെ സംവിധായകനാണ് എഡ്മണ്ട് ഇയോ.
SUMMARY: 30th IFFK: Muhammad Rasuloff Jury Chairperson
ബെംഗളൂരു: മലയാള സാഹിത്യത്തിൽ അനന്യമായ കൃതികളിലൂടെ മനുഷ്യൻ്റെ ഹൃദയങ്ങളിലേക്കുള്ള വഴികൾ തെളിച്ച വൈക്കം മുഹമ്മദ് ബഷീറിൻ്റെ ജീവിതവും രചനകളും ആധാരമാക്കി…
കോഴിക്കോട്: കോഴിക്കോട് കുറുനരിയുടെ ആക്രമണം. ജോലി സ്ഥലത്ത് വച്ച് യുവാക്കള്ക്ക് കുറുനരിയുടെ കടിയേറ്റു. തുരുത്തിയാട് പുത്തൂര്വയല് സ്വദേശി പ്രവീണ്കുമാര്, രാജേഷ്…
ബെംഗളൂരു: മലബാർ മുസ്ലിം അസോസിയേഷൻ്റെ 90ാം വാർഷിക ആഘോഷത്തിൻ്റെ ഭാഗമായി ഫുട്ബോൾ ടൂർണമെൻ്റ് നടത്തുന്നു. ജനുവരി 14 നാണ് ടൂർണമെൻ്റ്…
പനജി: ഗോവയിലെ നിശാക്ലബിലുണ്ടായ അഗ്നിബാധയില് മരിച്ചവരുടെ എണ്ണം 25 ആയി. പരുക്കേറ്റ 50പേർ ഗോവ മെഡിക്കല് കോളജ് ആശുപത്രിയില് ചികിത്സയിലാണ്.…
കൊല്ലം: കൊല്ലം കൊട്ടിയത്ത് നിർമ്മാണത്തിലിരുന്ന ദേശീയപാത തകർന്ന സംഭവത്തില് വിദഗ്ധ സമിതി ഉടൻ റിപ്പോർട്ട് സമർപ്പിക്കും. കാണ്പൂര് ഐഐടിയില് നിന്നുള്ള…
തൃശൂർ: കുന്നംകുളം കിഴൂർ ദേവി ക്ഷേത്രത്തില് മോഷണം. കമ്മറ്റി ഓഫീസിലെ ദേവി വിഗ്രഹം കവർന്നതായാണ് വിവരം. ഓഫീസിലെ അലമാരകള് തകർത്ത…