ദുബായ്: ദുബായിലെ ബുർജ് അല് അറബ് ഹോട്ടലിന് നേരെ ഡ്രോണ് ആക്രമണം. ഹോട്ടലിനെ ലക്ഷ്യമാക്കി വന്ന ഡ്രോണ് അധികൃതർ തടഞ്ഞു. ഡ്രോണിന്റെ അവശിഷ്ടങ്ങള് വീണ് ഹോട്ടലിന്റെ പുറംഭാഗത്ത് നേരിയ തീപിടുത്തമുണ്ടായതായി അധികൃതർ സ്ഥിരീകരിച്ചു. സിവില് ഡിഫൻസ് സംഘം ഉടൻ സ്ഥലത്തെത്തി തീ നിയന്ത്രണവിധേയമാക്കി. സംഭവത്തില് ആർക്കും പരുക്കേറ്റിട്ടില്ല.
ഇന്ന് പുലർച്ചെ ദുബായ് അന്താരാഷ്ട്ര വിമാനത്താവളത്തിലും ആക്രമണം റിപ്പോർട്ട് ചെയ്തു. അപകടത്തില് നാല് പേർക്ക് പരുക്കേറ്റു. ഇവർക്ക് അടിയന്തര ചികിത്സ നല്കിയതായും ആരോഗ്യനില നിരീക്ഷിച്ചുവരികയാണെന്നും വിമാനത്താവള അധികൃതർ അറിയിച്ചു. എമർജൻസി റെസ്പോണ്സ് ടീം ഉടൻ തന്നെ സ്ഥലത്തെത്തി ബന്ധപ്പെട്ട വകുപ്പുകളുമായി ചേർന്ന് സ്ഥിതിഗതികള് നിയന്ത്രണവിധേയമാക്കി.
ആക്രമണത്തിന് പിന്നാലെ വിമാനത്താവളത്തില് നിന്ന് യാത്രക്കാരെ ഒഴിപ്പിച്ചു. യുഎഇയില് ഇറാൻ അതിശക്തമായ ആക്രമണമാണ് അഴിച്ചുവിടുന്നത്. 137 മിസൈലുകളും 209 ഡ്രോണുകളും ഇതുവരെ ഇറാൻ യുഎഇക്ക് നേരെ തൊടുത്തുവിട്ടതായാണ് പുറത്തുവരുന്ന വിവരം. ഇതില് 14 ഡ്രോണുകളാണ് യുഎഇയില് പലയിടത്തായി പതിച്ചത്.
SUMMARY: Explosion near Burj Khalifa; people evacuated from building
