റിയാദ്: സൗദി ജയിലില്‍ കഴിയുന്ന അബ്ദുള് റഹീമിന്റെ മോചന ഫയലില്‍ നടപടിക്രമങ്ങള്‍ പൂർത്തിയാക്കി റിയാദ് ഗവർണറേറ്റ്. ഫയല്‍ മറ്റ് വകുപ്പുകളിലേക്ക് അയച്ചതായി റഹീമിന്റെ അഭിഭാഷകർക്കും നിയമ സഹായ സമിതിക്കും വിവരം ലഭിച്ചു. ജയിലില്‍ 19 വർഷം പൂർത്തിയാക്കിയ അബ്ദുള് റഹീമിനെ ശേഷിക്കുന്ന കാലയളവില്‍ ഇളവ് നേടി മോചിപ്പിക്കുന്നതിനുള്ള ശ്രമങ്ങള്‍ ആണ് പുരോഗമിക്കുന്നത്.
ഇതിനോടകം 19 വർഷത്തിലധികം ജയില്‍ശിക്ഷ പൂർത്തിയാക്കിയ അബ്ദുള് റഹീമിന് അവശേഷിക്കുന്ന ശിക്ഷാകാലയളവിൻമേല്‍ ഇളവ് നല്‍കി മാപ്പ് ലഭിക്കാനുള്ള നിരന്തര ശ്രമത്തിലാണ് റഹീമിന്റെ അഭിഭാഷകരും എംബസിയും അബ്ദുള് റഹീം നിയമ സഹായസമിതിയും. വിധിപ്രകാരം ശിക്ഷ കാലയളവായ 20 വർഷം 2026 മെയ് 20 നാണ് പൂർത്തിയാവുക.
സൗദി പൗരന്റെ മരണത്തെ തുടർന്ന് നേരത്തെ വധശിക്ഷക്ക് വിധിച്ചിരുന്ന അബ്ദുള് റഹീമിന് ദിയാധനം നല്‍കിയതിനാല്‍ സൗദി കുടുംബം മാപ്പ് നല്‍കിയിരുന്നു. ഇതോടെ വധശിക്ഷ റദ്ദാക്കപ്പെട്ടു. പിന്നീട് പൊതു അവകാശപ്രകാരം കുറ്റാക്കാരനാണെന്ന് കണ്ടെത്തി ഇരുപത് വർഷം ശിക്ഷ വിധിച്ച റിയാദിലെ അപ്പീല്‍ കോടതിയുടെ വിധി സുപ്രിംകോടതി ശരിവയ്ക്കുകയായിരുന്നു.
SUMMARY: Abdul Rahim’s release: Saudi governorate completes procedures and hands over file
WhatsApp
Telegram
