ബെംഗളൂരു: ബെംഗളൂരു സഞ്ജയ് നഗർ കലാകൈരളിയുടെ സിൽവർ ജൂബിലി ആഘോഷവും, ഓണാഘോഷവും പാലസ് ഗ്രൗണ്ടിലെ ഗ്രാൻഡ് കാസിലിൽ നടന്നു. കർണാടക മുഖ്യമന്ത്രി ബസവരാജ് ബൊമ്മൈ ചടങ്ങ് ഉദ്ഘാടനം ചെയ്തു. ബെംഗളൂരുവിന്റെ വളർച്ചയ്ക്ക് മലയാളി സമൂഹം നല്കിയ സംഭാവനകളെ മുഖ്യമന്ത്രി ബസവരാജ് ബൊമ്മൈ സംപ്രശംസിച്ചു. കലാകൈരളി പ്രസിഡന്റ് ഷൈജു കെ ജോർജ് അധ്യക്ഷത വഹിച്ചു.
കലാകൈരളിയുടെ 25 വർഷത്തെ ചരിത്രം വിവരിക്കുന്ന നാൾവഴികൾ ചടങ്ങിൽ പ്രദർശിപ്പിച്ചു. സ്ഥാപക പ്രസിഡന്റ് ബാലകൃഷ്ണപിള്ളയെയും സംഘടനയുടെ വളർച്ചയ്ക്ക് സംഭാവനകൾ നൽകിയവരെയും സാമൂഹ്യ സാംസ്‌കാരിക രംഗങ്ങളിൽ മികവ് പുലർത്തിയ മറ്റു പ്രമുഖരെയും ചടങ്ങിൽ ആദരിക്കുകയുണ്ടായി. വിദ്യാഭ്യാസ മേഖലയിൽ ഉന്നത വിജയം കരസ്ഥമാക്കിയ അംഗങ്ങളുടെ കുട്ടികൾക്ക് സ്കോളർഷിപ്പ് വിതരണം ചെയ്തു. കേരള തദ്ദേശ സ്വയംഭരണ-എക്സൈസ് വകുപ്പ് മന്ത്രി എം.ബി രാജേഷ് അതിഥിയായിരുന്നു. മറുനാട്ടിൽ താമസിക്കുന്ന മലയാളികളുടെ ഓണം മാസങ്ങൾ നീളുമെന്നും പൈതൃകം മറക്കാത്തവരാണ് മലയാളികളെന്നും എല്ലാകാലവും അവർക്ക് ഓണമാണെന്നും അദ്ദേഹം പറഞ്ഞു.
കവി മുരുകൻ കാട്ടാക്കട കവിതകൾ ചൊല്ലിയപ്പോൾ സദസ്സ് ഏറ്റുചൊല്ലിയത് വ്യത്യസ്ത അനുഭവമായി. നടൻ ജയറാം, നടി അനുശ്രീ, ഗായകൻ എംജി. ശ്രീകുമാർ, അഞ്ജു ബോബി ജോർജ്, മുൻ ഡെപ്യൂട്ടി മേയർ എം. ആനന്ദ് എന്നിവർ പങ്കെടുത്തു. രാവിലെ 9.30 മുതൽ കലാകൈരളി അംഗങ്ങളുടെ കലാപരിപാടികൾ ഉണ്ടായിരുന്നു. തുടർന്ന് അച്യുതൻ കുട്ടി നായരുടെ നേതൃത്വത്തിലുള്ള ഓണസദ്യയും, എംജി ശ്രീകുമാർ ഷോ, അമ്മ ഓർക്കസ്ട്രയുടെ ഗാനമേള എന്നിവയും നടന്നു. ചടങ്ങിൽ പ്രോഗ്രാം കമ്മിറ്റീ ചെയർമാൻ മിൻട്സ് മൈകെൽ, വർക്കിംഗ്‌ കമ്മിറ്റീ പ്രസിഡന്റ് അബ്ദുൾ റഹിം, ട്രഷറർ ഷിബു പാപ്പിനിശ്ശേരി എന്നിവർ സന്നിഹിതരായിരുന്നു. സെക്രട്ടറി ഹരിദാസ് നന്ദി പറഞ്ഞു.
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
മലയാളം ഓഡിയോ ലഭിക്കുന്നതില്‍ തടസ്സമുണ്ടെങ്കില്‍ (ചില മൊബൈല്‍ ഡിവൈസുകളില്‍ മലയാളത്തിന് പകരം ഇംഗ്ലീഷ് മാത്രമേ ലഭിക്കുന്നുവെങ്കില്‍) താഴെ കൊടുത്തിരിക്കുന്ന ഗൂഗിളിന്റെ ഓഡിയോ എക്സ്റ്റന്‍ഷന്‍ കൂടി ഡൗണ്‍ലോഡ് ചെയ്ത് ഇന്‍സ്റ്റാള്‍ ചെയ്യേണ്ടതാണ്.👇
DOWNLOAD GOOGLE TEXT-TO-SPEECH
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.