ബെംഗളൂരു: ഗുഡ്സ് ഓട്ടോ ബൈക്കിലിടിച്ച് കുടുംബത്തിലെ മൂന്നുപേർ മരിച്ചു. ബെളഗാവി റായ്ബാഗ് താലൂക്കിലെ റായ്ബാഗ് റെയിൽവേ സ്റ്റേഷന് സമീപമുള്ള നഗ്രാലിൽ തിങ്കളാഴ്ച വൈകീട്ടാണ് അപകടം. റായ്ബാഗ് സ്വദേശികളായ ബൈക്ക് യാത്രികൻ മഹന്തേഷ് അശോക് മാനെ (27), ഭാര്യ പായൽ (23), മകൻ സമർഥ് (ഒൻപത് മാസം) എന്നിവരാണ് മരിച്ചത്. അപകടത്തിൽ തലയ്ക്ക് ഗുരുതരമായി പരുക്കേറ്റ മറ്റൊരു മകൾ ചൈതന്യ (മൂന്ന്) ആശുപത്രിയിൽ ചികിത്സയിലാണ്.
ബൊമ്മനാലിൽ നിന്ന് റായ്ബാഗിലേക്ക് വരുകയായിരുന്ന ഗുഡ്സ് ഓട്ടോ തെറ്റായ വശത്തുകൂടി അമിതവേഗത്തിൽ വന്നു ഇരുചക്രവാഹനത്തിൽ ഇടിച്ചുകയറുകയായിരുന്നു. ഇടിയുടെ ആഘാതത്തില് മൂന്നു പേരും സംഭവസ്ഥലത്ത് വെച്ചു തന്നെ മരണപ്പെട്ടു. ഓട്ടോറിക്ഷാ ഡ്രൈവര് അപകടത്തിനുശേഷം ഓടി രക്ഷപ്പെട്ടു. ഇയാള്ക്കായി പോലീസ് തിരച്ചല് നടത്തുകയാണ്.
SUMMARY: Goods auto hits bike in accident; Three members of a family, including a toddler, die
