ബെംഗളൂരു: വിവാഹങ്ങള്ക്ക് നിരോധനമേര്പ്പെടുത്തി ബെംഗളൂരുവിലെ ഒരു ക്ഷേത്രം. ഹലസുരു സോമേശ്വര സ്വാമി ക്ഷേത്രത്തിലാണ് വിവാഹങ്ങള്ക്ക് നിരോധനമേര്പ്പെടുത്തിയത്. നഗരത്തിലെ ഏറ്റവും പഴക്കം ചെന്ന ക്ഷേത്രങ്ങളിലൊന്നായ സോമേശ്വര ക്ഷേത്രം പന്ത്രണ്ടാം നൂറ്റാണ്ടിൽ ചോഴ രാജവംശമാണ് നിര്മിച്ചത്. ബെംഗളൂരുവില് ഏറ്റവും കൂടുതല് വിവാഹങ്ങള് നടന്ന ക്ഷേത്രം കൂടിയാണിത്. ക്ഷേത്രത്തിൽ വെച്ച് വിവാഹിതരായ ദമ്പതികൾക്കിടയിലെ വിവാഹമോചന കേസുകൾ വർദ്ധിച്ചതാണ് ഇത്തരമൊരു അസാധാരണ തീരുമാനമെടുക്കാൻ ക്ഷേത്ര അധികൃതരെ പ്രേരിപ്പിച്ചത്. ആറ് മുതൽ ഏഴ് വർഷം മുമ്പ് വരെ ക്ഷേത്രം വർഷത്തിൽ 100 മുതൽ 150 വരെ വിവാഹങ്ങൾ നടത്തിയിരുന്ന ക്ഷേത്രമാണിത്. സമീപ വർഷങ്ങളിൽ വിവാഹ മോചന കേസുകളുടെ വർധനവ് രൂക്ഷമായി. കഴിഞ്ഞ രണ്ട് വർഷത്തിനിടെ മാത്രം ക്ഷേത്ര അധികൃതർക്ക് 50ൽ അധികം വിവാഹ മോചനവുമായി ബന്ധപ്പെട്ട പരാതികൾ കൈകാര്യം ചെയ്യേണ്ടി വന്നു.
Bangalore temple bans weddings after noticing surge in divorce cases and priests being called as witnesses
The Halasuru Someshwara Swamy Temple in Bengaluru has stopped conducting weddings after temple authorities expressed concern over a growing number of couples returning to… pic.twitter.com/KEHxXtgPsi
— Amish Aggarwala (@AmishAggarwala) December 8, 2025
ക്ഷേത്രത്തിൽ വെച്ച് വിവാഹിതരായ ദമ്പതികൾ വേർപിരിയുമ്പോൾ നിയമപരമായ കാര്യങ്ങൾക്കായി ക്ഷേത്രത്തെ സമീപിക്കുന്നത് പതിവായതോടെയാണ് അധികൃതർ കടുത്ത തീരുമാനമെടുത്തത്. വിവാഹങ്ങൾ നിരോധിച്ചതുമായി ബന്ധപ്പെട്ട് ഒരാൾ കർണാടക മുഖ്യമന്ത്രിയുടെ ഓഫീസിൽ (സിഎംഒ) പരാതി നൽകിയിരുന്നു. സിഎംഒ വിശദീകരണം തേടിയപ്പോൾ, “വിവാഹം പരാജയപ്പെടുമ്പോൾ കോടതിമുറികളിൽ ചുറ്റിക്കറങ്ങാൻ തങ്ങൾ ആഗ്രഹിക്കുന്നില്ല” എന്നതായിരുന്നു പൂജാരിമാർ നൽകിയ മറുപടി.
കർണാടക സർക്കാരിന്റെ ഹിന്ദു മത സ്ഥാപനങ്ങളുടെയും ചാരിറ്റബിൾ എൻഡോവ്മെന്റ്സിന്റെയും വകുപ്പിന് കീഴിലുള്ള ക്ഷേത്രത്തിന്റെ പ്രതിച്ഛായയെ ബാധിക്കുന്ന “അനാവശ്യമായ സംഭവങ്ങൾ” തടയുന്നതിനാണ് ഈ നടപടിയെന്ന് ക്ഷേത്ര മാനേജ്മെന്റ് വ്യക്തമാക്കി. ക്ഷേത്രത്തിൽ മറ്റ് ആചാരങ്ങളും മതപരമായ ചടങ്ങുകളും നിലവിലുണ്ടെങ്കിലും, വിവാഹ ചടങ്ങുകളാണ് താൽക്കാലികമായി നിർത്തിവച്ചിരിക്കുന്നത്. ക്ഷേത്ര അധികൃതർ പറയുന്നതനുസരിച്ച്, നിലവിലെ നയം പിന്നീട് പുനഃപരിശോധിക്കാൻ സാധ്യതയുണ്ട്, എന്നാൽ ഇപ്പോൾ വിവാഹങ്ങൾ നടക്കില്ല.
അതേസമയം ക്ഷേത്രത്തിന്റെ നടപടിക്കെതിരെ സാമൂഹ്യമാധ്യമങ്ങളില് സമ്മിശ്ര പ്രതികരണമാണ് ഉയരുന്നത്.
SUMMARY:Tired of divorce cases, this temple in Bengaluru bans marriages
WhatsApp
Telegram
