ബെംഗളൂരു: ജോലിയിൽ അനാസ്ഥ കാട്ടിയതിനു ബെംഗളൂരുവിൽ മൂന്ന് പോലീസ് ഉദ്യോഗസ്ഥരെ സസ്പെൻഡ് ചെയ്തു. നഗരത്തിൽ മെയ്‌ 19ന് നടന്ന നിശാ പാർട്ടിയിൽ തെലുങ്ക് നടി ഉൾപ്പെടെ 86 പേർ മയക്കുമരുന്ന് ഉപയോഗിച്ചതായി കണ്ടെത്തിയ സംഭവത്തിലാണ് നടപടി. ഹെബ്ബഗോഡി പോലീസ് സ്റ്റേഷനിലെ അസിസ്റ്റൻ്റ് സബ് ഇൻസ്‌പെക്ടർ നാരായണ സ്വാമി, കോൺസ്റ്റബിൾമാരായ ഗിരീഷ്, ദേവരാജു എന്നിവരെയാണ് സസ്പെൻഡ് ചെയ്തത്.
ഹെബ്ബഗോഡി പോലീസ് അധികാരപരിധിയിലുള്ള ഫാം ഹൗസിലാണ് സിസിബിയുടെ ആൻ്റി നാർക്കോട്ടിക് വിഭാഗം റെയ്ഡ് നടത്തി വൻതോതിൽ ലഹരിമരുന്നുകൾ പിടിച്ചെടുത്തത്. പാർട്ടി നടത്തുന്നത് തടയാൻ ഉദ്യോഗസ്ഥർക്ക് സാധിച്ചില്ലെന്ന് ചൂണ്ടിക്കാട്ടിയാണ് പോലീസുകാരെ ബെംഗളൂരു റൂറൽ എസ്.പി. മല്ലികാർജുൻ ബലദണ്ടി സസ്പെൻഡ് ചെയ്തത്. പാർട്ടിയുടെ മുൻകൂർ വിവരങ്ങൾ ലഭിക്കാത്തതിൽ വിശദീകരണം തേടി ലോക്കൽ ഡിവൈഎസ്പിക്കും ഹെബ്ബഗോഡി പോലീസ് സ്റ്റേഷൻ ഇൻസ്പെക്ടർക്കും എസ്പി ചാർജ് മെമ്മോയും നൽകിയിട്ടുണ്ട്. മറുപടി നൽകുന്നതിൽ രണ്ട് ഉദ്യോഗസ്ഥരും പരാജയപ്പെട്ടാൽ അവർക്കെതിരെയും നടപടിയുണ്ടാകും. തെലുങ്ക് നടി ഹേമയും മറ്റ് 85 പേരും പാർട്ടിയിൽ വെച്ച് ലഹരി ഉപയോഗിച്ചതായി കണ്ടെത്തിയിരുന്നു.
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.