ബെംഗളൂരു: ബെംഗളൂരുവിൽ നിന്ന് അഹമ്മദാബാദിലേക്കും പുരിയിലേക്കും (ഒഡീഷ) ഏറ്റവും ദൈർഘ്യമേറിയ പ്രതിദിന സർവീസുകൾ ആരംഭിക്കാൻ ഒരുങ്ങി കർണാടക റോഡ് ട്രാൻസ്പോർട്ട് കോർപ്പറേഷൻ (കെഎസ്ആർടിസി). യൂറോപ്യൻ ശൈലിയിലുള്ള എയർ കണ്ടീഷൻഡ് സ്ലീപ്പർ ബസുകളാണ് ഇതിനായി ഉപയോഗിക്കുക. രണ്ട് നഗരങ്ങളും ബെംഗളൂരുവിൽ നിന്ന് ഏകദേശം 1,500 കിലോമീറ്റർ അകലെയാണ്. നിലവിൽ, ഏറ്റവും ദൈർഘ്യമേറിയ കെഎസ്ആർടിസി റൂട്ടുകൾ ബെംഗളൂരു-മുംബൈ, ബെംഗളൂരു-ഷിർദി എന്നിവയാണ്, ഓരോന്നിനും ഏകദേശം 1,000 കിലോ മീറ്റർ ദൂരമുണ്ട്.
ബെംഗളൂരുവിൽ നിന്ന് വിദൂര സ്ഥലങ്ങളിലേക്ക് ബസ് സർവീസുകൾക്ക് ആവശ്യക്കാർ ഏറെയാണ്. കെഎസ്ആർടിസിക്ക് ദീർഘദൂര യാത്രക്കായി വോൾവോ ബസുകളാണുള്ളത്. ഇവയ്ക്ക് മികച്ച ട്രാക്ക് റെക്കോർഡും ഉണ്ട്. ഇക്കാരണത്താൽ തന്നെ പുതിയ റൂട്ടുകൾ പര്യവേക്ഷണം ചെയ്യുന്നതിൽ ശ്രദ്ധ കേന്ദ്രീകരിക്കുമെന്ന് കെഎസ്ആർടിസി മാനേജിംഗ് ഡയറക്ടർ വി. അൻബുകുമാർ പറഞ്ഞു.
അഹമ്മദാബാദ്, ഇൻഡോർ, ഭോപ്പാൽ, ജയ്പൂർ, ജൈതരൺ, ജോധ്പൂർ, ജയ്‌സാൽമീർ എന്നിവയുൾപ്പെടെയുള്ള വിദൂര സ്ഥലങ്ങളിലേക്ക് നിരവധി സ്വകാര്യ ഓപ്പറേറ്റർമാർ ഇതിനകം തന്നെ ബെംഗളൂരുവിൽ നിന്ന് ബസ് സർവീസുകൾ നടത്തുന്നുണ്ട്. 2000 കിലോമീറ്ററിലധികം ദൂരമുള്ള ബെംഗളൂരു-ജയ്‌സാൽമീർ ബസ് സർവീസാണ് ഇന്ത്യയിലെ ഏറ്റവും ദൈർഘ്യമേറിയ സർവീസ് റൂട്ട്. എന്നാൽ ഒഡീഷയിലെ തീർത്ഥാടന നഗരമായ പുരിയിലേക്ക് ബെംഗളൂരുവിൽ നിന്ന് നേരിട്ട് ബസ് സർവീസുകളൊന്നുമില്ല.
പുതിയ സർവീസുകൾ ആരംഭിക്കുന്നതിന്, കെഎസ്ആർടിസിയ്ക്ക് ഗുജറാത്ത്, മഹാരാഷ്ട്ര, ഒഡീഷ, ആന്ധ്രാപ്രദേശ് എന്നീ സംസ്ഥാനങ്ങളിൽ നിന്നുള്ള റോഡ് ട്രാൻസ്പോർട്ട് കോർപ്പറേഷനുകളിൽ നിന്ന് അനുമതി ആവശ്യമാണ്. ഇതിനായി ചർച്ചകൾ ആരംഭിച്ചിട്ടുണ്ട്, അത് ഒരു പുരോഗമന ഘട്ടത്തിലാണ്. ഉടൻ തന്നെ അനുമതി ലഭിക്കുമെന്ന് പ്രതീക്ഷിക്കുന്നുതായി അൻബുകുമാർ പറഞ്ഞു.
TAGS: BENGALURU UPDATES | KSRTC
SUMMARY: KSRTC's longest daily bus services from Bengaluru to Ahmedabad and Puri coming soon
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.