ബെംഗളൂരു: കന്നഡ രാജ്യോത്സവത്തിന്റെ ഭാഗമായി നൽകുന്ന സുവർണ മഹോത്സവ പുരസ്കാരത്തിനുള്ള ക്യാഷ് പ്രൈസ് 50,000 രൂപയിൽ നിന്ന് ഒരു ലക്ഷം രൂപയായി ഉയർത്തി. സംസ്ഥാന രൂപീകരണത്തിന്റെ 50ആം വാർഷികത്തോട് അനുബന്ധിച്ചാണ് ഇത്തവണ സുവർണ മഹോത്സവ അവാർഡ് നൽകുന്നത്.
69 പേർക്ക് രാജ്യോത്സവ പുരസ്‌കാരങ്ങൾ പ്രഖ്യാപിച്ചതിന് പുറമെ വിവിധ മേഖലകളിൽ മികവ് തെളിയിച്ച 50 പുരുഷന്മാർക്കും 50 വനിതകൾക്കും സുവർണ മഹോത്സവ പുരസ്‌കാരങ്ങൾ നൽകാൻ കന്നഡ സാംസ്കാരിക വകുപ്പ് തീരുമാനിച്ചിരുന്നു. ബിബിഎംപി പൗരകർമ്മിക യൂണിയൻ നേതാക്കളെയും അവാർഡ് പട്ടികയിൽ ഉൾപ്പെടുത്തിയിട്ടുണ്ട്. വിധാൻ സൗധയിൽ വെച്ച് നടക്കുന്ന ചടങ്ങിൽ അവാർഡുകൾ നൽകുമെന്ന് കന്നഡ സാംസ്കാരിക മന്ത്രി ശിവരാജ് എസ്. തംഗദഗി പറഞ്ഞു.
കല – സാംസ്‌കാരികം, കൃഷി, സ്പോർട്സ്, മാധ്യമ പ്രവർത്തനം, ആരോഗ്യം, സാഹിത്യം, സാമൂഹിക സേവനം, യക്ഷഗാനം, ശാസ്ത്ര – സാങ്കേതികം എന്നീ വിഭാഗങ്ങളിലായാണ് പുരസ്കാരം പ്രഖ്യാപിച്ചത്. ഹൊറനാട് വിഭാഗത്തിൽ രണ്ട് പേർക്കും പുരസ്കാരം ലഭിച്ചിട്ടുണ്ട്.
അതേസമയം കന്നഡ രാജ്യോത്സവ പുരസ്കാരങ്ങളും ഇന്ന് വിതരണം ചെയ്യും. അയോധ്യയിലെ രാംലല്ല വിഗ്രഹത്തിന്റെ ശില്പി അരുൺ യോഗി രാജ് ഉൾപ്പെടെയുള്ളവരെയാണ് ഇത്തവണ രാജ്യോത്സവ പുരസ്കാരത്തിനായി തിരഞ്ഞെടുത്തത്.
TAGS: KARNATAKA | SUVARNA MAHOTSAVA AWARD
SUMMARY: Cash prize for Suvarna Mahotsava Award doubled
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.