ബെംഗളൂരു: സംസ്ഥാനത്ത് ആർടിസികളിലെ ബസ് യാത്ര നിരക്ക് 15 ശതമാനം വർധിപ്പിക്കാനുള്ള സർക്കാർ തീരുമാനത്തിനെതിരെ പ്രതിഷേധിക്കാനൊരുങ്ങി പ്രതിപക്ഷ പാർട്ടികളായ ജെഡിഎസും, ബിജെപിയും. ഇന്ധനവിലയും പ്രവർത്തനച്ചെലവും വർധിക്കുന്നതിനാൽ ട്രാൻസ്പോർട്ട് കോർപ്പറേഷനുകളുടെ സാമ്പത്തിക ബുദ്ധിമുട്ടുകൾ പരിഹരിക്കാനാണ് നടപടിയെന്ന് സർക്കാർ വ്യക്തമാക്കിയിരുന്നു. എന്നാൽ ജനങ്ങൾക്ക് അധികാഭാരമാണ് നിരക്ക് വർധനയെന്ന് ബിജെപി നേതാക്കൾ ആരോപിച്ചു. സ്ത്രീകൾക്ക് സൗജന്യ യാത്ര നൽകുമ്പോൾ പുരുഷന്മാർക്ക് യാത്രാനിരക്ക് വർധിപ്പിക്കുന്നത് ശരിയല്ലെന്ന് ബിജെപി എംഎൽഎ ധീരജ് മുനിരാജു പറഞ്ഞു. നിരക്ക് വർധനയ്‌ക്കെതിരെ ശനിയാഴ്ച സംസ്ഥാന വ്യാപകമായി പ്രതിഷേധം സംഘടിപ്പിക്കുമെന്ന് മുനിരാജു പറഞ്ഞു.
ജനുവരി 5 മുതൽ മുഴുവൻ സർക്കാർ ട്രാൻസ്പോർട്ട് കോർപ്പറേഷനുകൾക്കും നിരക്ക് വർധന ബാധകമാണ്. ഒരു ദശാബ്ദം മുമ്പാണ് അവസാനമായി യാത്രാനിരക്ക് പരിഷ്‌കരിച്ചതെന്നും ഡീസൽ വിലയിലും പ്രവർത്തനച്ചെലവിലും ഗണ്യമായ വർധനവുണ്ടായതോടെ വിലവർധന അനിവാര്യമാണെന്നും ഗതാഗത വകുപ്പ് മന്ത്രി രാമലിംഗ റെഡ്ഢി വിശദീകരിച്ചു. സംസ്ഥാന സർക്കാർ പ്രതിമാസം 417 കോടി രൂപ അനുവദിക്കുന്നതിനാൽ ശക്തി പദ്ധതി തുടരുമെന്നും അദ്ദേഹം പറഞ്ഞു.
TAGS: KARNATAKA | PRICE HIKE
SUMMARY: Opposition parties announce protest against bus fare hike
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.