ബെംഗളൂരു: കേന്ദ്ര ബജറ്റിൽ സംസ്ഥാനത്തെ റെയിൽ പദ്ധതികൾക്കായി 7564 കോടി രൂപ അനുവദിച്ചതായി കേന്ദ്ര റെയിൽവേ വകുപ്പ് സഹമന്ത്രി വി. സോമണ്ണ അറിയിച്ചു. ബെംഗളൂരുവിലെയും പരിസര പ്രദേശങ്ങളിലെയും കണക്റ്റിവിറ്റി വർധിപ്പിക്കാൻ സഹായമേകുന്നതാണ് ധനമന്ത്രി നിർമല സീതാരാമൻ അവതരിപ്പിച്ച ബജറ്റിലെ പ്രഖ്യാപനമെന്ന് അദ്ദേഹം പറഞ്ഞു.
2025 – 2026ലെ റെയിൽവേ ബജറ്റിൽ കർണാടകയ്ക്ക് 7,564 കോടി രൂപ അനുവദിച്ചിട്ടുണ്ട്. സംസ്ഥാനത്തിന് ഇതുവരെ ലഭിച്ചതിൽ വച്ച് ഏറ്റവും ഉയർന്ന ബജറ്റ് വിഹിതമാണിതെന്നും അദ്ദേഹം പറഞ്ഞു. കഴിഞ്ഞ ബജറ്റിൽ കർണാടകയ്ക്ക് 7,559 കോടി രൂപ അനുവദിച്ചിരുന്നു. ഇത്തവണ സംസ്ഥാനത്തിന് 7,564 കോടി രൂപ ലഭിച്ചു. കഴിഞ്ഞ വർഷം ബെംഗളൂരു സബർബൻ റെയിൽവേ പദ്ധതിക്ക് (ബിഎസ്ആർപി) 350 കോടി രൂപ നൽകി. ഈ വർഷവും ഇതേ വിഹിതം തന്നെയാണ് അനുവദിച്ചത്. നാല് ഇടനാഴികളുള്ള ഈ 148 കിലോമീറ്റർ പദ്ധതിയുടെ രണ്ട് ലൈനുകളിൽ മാത്രമാണ് പ്രവൃത്തി ആരംഭിച്ചതെന്ന് വി. സോമണ്ണ പറഞ്ഞു.
ഹുബ്ബള്ളി വഴി ഹൊസപേട്ട് – വാസ്‌കോ ഡി ഗാമ (413 കോടി), ഹോട്ട്‌ഗി – കുഡ്‌ഗി – ഗഡാഗ് (401 കോടി), പുനെ – മിറാജ് – ലോണ്ട (312 കോടി), ബൈയപ്പനഹള്ളി – ഹൊസൂർ (223 കോടി), യശ്വന്ത്പുര – ചന്നപുര (17 കോടി രൂപ), വൈറ്റ്ഫീൽഡ് – ബെംഗളൂരു സിറ്റി – കൃഷ്ണരാജപുരം (357 കോടി) എന്നിവയുടെ പാത ഇരട്ടിപ്പിക്കൽ പ്രവൃത്തികൾക്കും ഫണ്ട്‌ അനുവദിച്ചു.
The Union Budget 2025-26 allocates a generous ₹7,564 crore to Karnataka's railways, funding 15 key intra-State and inter-State projects. The Bengaluru suburban rail project gets ₹350 crore. Grateful to PM Shri Narendra Modi Ji for his commitment to Karnataka's growth. pic.twitter.com/RMHIORSLAr
— P C Mohan (@PCMohanMP) February 1, 2025
TAGS: KARNATAKA | UNION BUDGET
SUMMARY: Rs 7,564cr rail boost for state
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.