എഞ്ചിൻ ഓയിൽ വെയർഹൗസിൽ തീപ്പിടുത്തം; 30 കോടിയുടെ നാശനഷ്ടമുണ്ടായതായി റിപ്പോർട്ട്‌
ബെംഗളൂരു: എഞ്ചിൻ ഓയിൽ വെയർഹൗസിൽ വൻ തീപ്പിടുത്തം. നെലമംഗലയ്ക്കടുത്തുള്ള അടകമാരനഹള്ളിയിലുള്ള ഷെൽ കമ്പനിയുടെ എഞ്ചിൻ ഓയിൽ വെയർഹൗസിലാണ് തീപിടുത്തമുണ്ടായത്. ഷെൽ കമ്പനിയുടെ എഞ്ചിൻ ഓയിൽ സൂക്ഷിച്ചിരുന്ന കൃഷ്ണപ്പയുടെ ഉടമസ്ഥതയിലുള്ള വെയർഹൗസിലാണ് അപകടം.
ഗോഡൗണിൽ നിന്നാണ് സംസ്ഥാനത്തെ മിക്കയിടങ്ങളിലും എഞ്ചിൻ ഓയിൽ വിതരണം ചെയ്തിരുന്നത്. പുലർച്ചെ 3 മണിയോടെയാണ് തീപിടുത്തമുണ്ടായത്. നെലമംഗല, പീനിയ, യശ്വന്ത്പുര എന്നിവിടങ്ങളിൽ നിന്നുള്ള 30-ലധികം ഫയർ ഫോഴ്സ് സംഘം എത്തി മണിക്കൂറുകൾ നീണ്ട ശ്രമത്തിനൊടുവിലാണ് തീ അണച്ചത്.
ഏകദേശം 30 കോടി രൂപയുടെ നഷ്ടം ഉണ്ടായതായാണ് പ്രാഥമിക വിവരം. 40,000 ചതുരശ്ര അടി വിസ്തീർണ്ണമുള്ള വെയർഹൗസ് പൂർണ്ണമായും കത്തിനശിച്ചു. ഇന്ത്യ-പാകിസ്ഥാൻ സംഘർഷം നിലനിൽക്കുന്നതിനാൽ വെയർഹൗസിൽ വൻതോതിൽ എണ്ണ സംഭരിച്ചിരുന്നതായി പോലീസ് പറഞ്ഞു. അപകടം പുലർച്ചെയായതിനാൽ ആളപായമില്ല. കർണാടക, തമിഴ്‌നാട്, ആന്ധ്രാപ്രദേശ്, കേരളം എന്നിവിടങ്ങളിലേക്കാണ് ഓയിൽ വിതരണം ചെയ്തിരുന്നത്. ദിവസവും 20-ലധികം ഓയിൽ ട്രക്കുകളും കണ്ടെയ്‌നറുകളുമാണ് ഇവിടെ നിന്നും കയറ്റുമതി ചെയ്തിരുന്നത്. സംഭവത്തിൽ മാദനായകനഹള്ളി പോലീസ് കേസ് രജിസ്റ്റർ ചെയ്തു.
TAGS: KARNATAKA | FIRE AT GODOWN
SUMMARY: Fire destroys Shell oil warehouse near Nelamangala
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.