വോട്ടർമാർക്ക് സമ്മാനപ്പൊതികൾ വിതരണം ചെയ്‌തെന്ന് ആരോപണം; കോൺഗ്രസ് സ്ഥാനാർഥിക്കെതിരെ പരാതി
ബെംഗളൂരു: മാതൃകാ പെരുമാറ്റച്ചട്ടം (എംസിസി) ലംഘിച്ച് വോട്ടർമാർക്ക് സമ്മാനപ്പൊതികൾ വിതരണം ചെയ്തെന്നാരോപിച്ച് കോൺഗ്രസ് സ്ഥാനാർഥിക്കെതിരെ പരാതിയുമായി ബിജെപി. ലെജിസ്ലേറ്റീവ് കൗൺസിൽ തിരഞ്ഞെടുപ്പിൽ ബെംഗളൂരു ഗ്രാജ്വേറ്റ്സ് മണ്ഡലത്തിലെ കോൺഗ്രസ് സ്ഥാനാർഥി രാമോജി ഗൗഡക്കെതിരെയാണ് ബിജെപി തിരഞ്ഞെടുപ്പ് കമ്മീഷനിൽ പരാതി നൽകിയത്. ഗൗഡയെ അയോഗ്യനാക്കണമെനന്നും ബിജെപി തിരഞ്ഞെടുപ്പ് കമ്മീഷനോട് ആവശ്യപ്പെട്ടു.
ബുധനാഴ്ച പ്രകടന പത്രികയ്‌ക്കൊപ്പം ഗൗഡ വോട്ടർമാർക്ക് പാത്രങ്ങൾ വിതരണം ചെയ്‌തതായി ബിജെപി പരാതിയിൽ ആരോപിച്ചു. വിതരണത്തിനായി വാഹനത്തിൽ കയറ്റിയ സമ്മാനപ്പൊതികൾ തെളിവായി ബിജെപി നേതാക്കൾ ഹാജരാക്കിയിട്ടുണ്ട്.
ആനേക്കൽ താലൂക്കിലെ നെരലൂർ വില്ലേജിലെ മറ്റൊരു ഗോഡൗണിലും സമാനമായ പെട്ടികൾ സൂക്ഷിച്ചിട്ടുണ്ടെന്ന് നേതാക്കൾ പറഞ്ഞു. കുറ്റവാളികൾക്കെതിരെ നടപടിയെടുക്കുന്നതിൽ പോലീസും മറ്റ് ഉദ്യോഗസ്ഥരും അലംഭാവം കാണിക്കുന്നുണ്ട്. കോൺഗ്രസ് സ്ഥാനാർഥി ഉദ്യോഗസ്ഥരെ സ്വാധീനിച്ചിട്ടുണ്ട്. ഗൗഡക്കെതിരെ കർശന നടപടി സ്വീകരിക്കണമെന്ന് നേതാക്കൾ പരാതിയിൽ പറഞ്ഞു. ജൂൺ മൂന്നിനാണ് കൗൺസിൽ തിരഞ്ഞെടുപ്പ്. ആറിന് വോട്ടെണ്ണൽ നടക്കും.
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.