ബെംഗളൂരു: സംസ്ഥാനത്ത് 95 ശതമാനം പാഠപുസ്തകങ്ങളും ഇതിനകം സ്കൂളുകളിൽ എത്തിച്ചു കഴിഞ്ഞതായും ബാക്കിയുള്ളവ ഈ മാസത്തിനകം വിതരണം ചെയ്യുമെന്നും സ്കൂൾ വിദ്യാഭ്യാസ മന്ത്രി മധു ബംഗാരപ്പ പറഞ്ഞു. വേനലവധി കഴിഞ്ഞ് സ്‌കൂളുകൾ ബുധനാഴ്ച തുറന്നതോടെയാണ് മന്ത്രി ഇക്കാര്യം അറിയിച്ചത്. കഴിഞ്ഞ വർഷം പാഠപുസ്തകങ്ങൾ പരിഷ്കരിച്ചതിനാൽ ഇത്തവണ വലിയ മാറ്റങ്ങളൊന്നും ഉണ്ടാകില്ലെന്നും മന്ത്രി പറഞ്ഞു.
പുതുക്കിയ പാഠപുസ്തകങ്ങൾ വെബ്‌സൈറ്റിലും ലഭ്യമാണ്. കോവിഡ് വ്യാപകമായതോടെ കുട്ടികൾക്കുള്ള സൈക്കിൾ വിതരണം നിർത്തിയിരുന്നതായി മന്ത്രി പറഞ്ഞു. എങ്കിലും മന്ത്രിസഭയിൽ ചർച്ച ചെയ്ത ശേഷം സൈക്കിൾ വിതരണം പുനരാരംഭിക്കുന്നത് സംബന്ധിച്ച് തീരുമാനമുണ്ടാകുമെന്നും അദ്ദേഹം കൂട്ടിച്ചേർത്തു.
6,000 ഗ്രാമപഞ്ചായത്തുകളിൽ 3,000 കർണാടക പബ്ലിക് സ്‌കൂളുകൾ സ്ഥാപിക്കുമെന്നും രണ്ട് ഗ്രാമപഞ്ചായത്തുകൾക്ക് ഓരോ സ്കൂൾ വീതം അനുവദിക്കുമെന്നും അദ്ദേഹം വിശദീകരിച്ചു. ഇതിനു പുറമെ 600 സ്‌കൂളുകൾ സർക്കാർ നവീകരിക്കും. വിദ്യാർഥികൾക്ക് ഷൂസും സോക്സും വാങ്ങാൻ സ്കൂൾ വികസന മോണിറ്ററിംഗ് കമ്മിറ്റികൾക്ക് (എസ്ഡിഎംസി) പണം അനുവദിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.