ടി-20 ലോകകപ്പിലെ ഇന്ത്യ – പാകിസ്ഥാൻ മത്സരത്തിന് വേദിയാകുന്ന ന്യൂയോര്‍ക്കിലെ നാസോ ഇന്‍റര്‍നാഷണല്‍ കൗണ്ടി സ്റ്റേഡിയത്തിലെ പിച്ചിന്‍റെ നിലവാരം മെച്ചപ്പെടുത്താൻ ഐസിസി. പിച്ചിന്‍റെ നിലവാരത്തെ ചൊല്ലി വിമര്‍ശനം രൂക്ഷമായ സാഹചര്യത്തിലാണ് ഐസിസിയുടെ നീക്കം. ലോകകപ്പില്‍ ശ്രീലങ്ക-ദക്ഷിണാഫ്രിക്ക, ഇന്ത്യ-അയര്‍ലന്‍ഡ് ടീമുകള്‍ തമ്മിലേറ്റുമുട്ടിയ രണ്ട് മത്സരങ്ങളാണ് ഈ വേദിയില്‍ നടന്നത്. ഈ രണ്ട് മത്സരങ്ങളും ചെറിയ സ്കോറില്‍ ഒതുങ്ങുകയും ചെയ്‌തിരുന്നു. ഇന്ത്യ – അയര്‍ലന്‍ഡ് മത്സരത്തോടെയാണ് പിച്ചിന്‍റെ നിലവാരത്തെ കുറിച്ചുള്ള ചര്‍ച്ചകളും വ്യാപകമായത്. ലോകകപ്പ് പോലെ വലിയ ടൂര്‍ണമെന്‍റുകള്‍ക്ക് ഇത്തരത്തിലുള്ള പിച്ചുകള്‍ അല്ല ഒരുക്കേണ്ടത് എന്ന ആക്ഷേപവും ഉയര്‍ന്നു.
പിച്ചിന്‍റെ നിലവാരം മെച്ചപ്പെടുത്തിയില്ലെങ്കില്‍ ഇവിടെ കളിക്കുന്ന താരങ്ങള്‍ക്ക് പരുക്കേല്‍ക്കാൻ സാധ്യതകള്‍ ഏറെയാണെന്നും വിദഗ്ധര്‍ മുന്നറിയിപ്പ് നല്‍കി. ഈ സാഹചര്യമെല്ലാം കണക്കിലെടുത്താണ് പിച്ചിന്‍റെ നിലവാരം ഉയര്‍ത്താൻ ഐസിസി തയ്യാറെടുക്കുന്നത്. നാസോ ക്രിക്കറ്റ് ഗ്രൗണ്ടിലെ പിച്ചിലെ പോരായ്‌മകള്‍ പരിഹരിക്കാൻ വേണ്ട ഉചിതമായ നടപടികള്‍ സ്വീകരിച്ചിട്ടുണ്ടെന്ന് ഐസിസി അറിയിച്ചു. ലോകകപ്പില്‍ ശേഷിക്കുന്ന മത്സരങ്ങള്‍ക്കായി നിലവാരമുള്ള പിച്ച് ഒരുക്കാനാണ് ശ്രമിക്കുന്നത്. ഇതിന് വേണ്ടി വിദഗ്‌ധ സംഘം ആവശ്യമായ നടപടികള്‍ സ്വീകരിച്ച് വരികയാണെന്നും ഐസിസി വ്യക്തമാക്കി.
TAGS: SPORTS
KEYWORDS: nassau county pitch for india pak match to be readied
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.