ബെംഗളൂരു: ഡെങ്കിപ്പനിക്കെതിരെ ബോധവത്കരണം നടത്താൻ പുതിയ മാർഗവുമായി ബിബിഎംപി. ഡെങ്കിപ്പനി ബോധവൽക്കരണവുമായി ബന്ധപ്പെട്ട റീലുകൾ നിർമ്മിക്കാൻ സോഷ്യൽ മീഡിയ ഉപയോക്താക്കളുടെ സഹായം തേടിയിരിക്കുകയാണ് ബിബിഎംപി. മികച്ച റീൽസുകൾ നിർമ്മിക്കുന്നവർക്ക് പാരിതോഷികം നൽകുമെന്ന് ബിബിഎംപി അറിയിച്ചിട്ടുണ്ട്.
മികച്ച അഞ്ച് വിജയികൾക്ക് 25,000 രൂപ വീതവും അടുത്ത അഞ്ച് വിജയികൾക്ക് 10,000 രൂപ വീതവും രണ്ടാം സമ്മാനമായി ലഭിക്കും. ഏറ്റവും കൂടുതൽ വിദ്യാർഥികൾ പങ്കെടുക്കുന്ന റീൽസ് നിർമിക്കുന്ന വിദ്യാഭ്യാസ സ്ഥാപനത്തിന് ഒരു ലക്ഷം രൂപയും ബോധവൽക്കരണ വീഡിയോകൾ സൃഷ്ടിക്കാൻ വിദ്യാർഥികളെ പ്രോത്സാഹിപ്പിക്കുന്ന അധ്യാപകർക്ക് 35,000 രൂപയും സമ്മാനമായി ലഭിക്കും.
ക്യാമ്പയിനിൽ പങ്കെടുക്കുന്ന എല്ലാവരെയും ബിബിഎംപി ആരോഗ്യവകുപ്പ് ഡെങ്കിപ്പനി വാരിയേഴ്സ് ആയി അംഗീകരിക്കും. ഡെങ്കിപ്പനിയെക്കുറിച്ച് കൂടുതൽ വിവരങ്ങൾ അടങ്ങിയ റീലുകൾ നിർമ്മിക്കുന്നവർക്ക് തക്കതായ പ്രതിഫലം നൽകുമെന്നും ബിബിഎംപി ഉദ്യോഗസ്ഥർ അറിയിച്ചു.
ബെംഗളൂരു ഉൾപ്പെടെ സംസ്ഥാനത്തുടനീളം ഡെങ്കിപ്പനി കേസുകളും മരണങ്ങളും വർധിച്ചുവരുന്ന സാഹചര്യത്തിൽ രോഗത്തെക്കുറിച്ചുള്ള ബോധവൽക്കരണം നടത്താനുള്ള ശ്രമങ്ങൾ ഊർജിതമാക്കിയതായി ബിബിഎംപിയുടെ ആരോഗ്യവകുപ്പ് അറിയിച്ചു.
TAGS: BENGALURU | BBMP | DENGUE FEVER
SUMMARY: BBMP offers Rs 1 lakh to create social media reels on dengue awareness
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.