നൈസ് റോഡിൽ സർവീസ് നടത്തുന്ന ബിഎംടിസി ബസുകൾക്ക് യാത്ര നിരക്ക് വർധിപ്പിക്കും
ബെംഗളൂരു: നൈസ് റോഡിൽ സർവീസ് നടത്തുന്ന ബസുകൾക്ക് യാത്ര നിരക്ക് വർധിപ്പിക്കുമെന്ന് ബിഎംടിസി. നന്ദി ഇൻഫ്രാസ്ട്രക്ചർ കോറിഡോർ എൻ്റർപ്രൈസ് (നൈസ്) റോഡിൻ്റെ സമീപകാല ടോൾ വർധന കണക്കിലെടുത്താണ് തീരുമാനം. മാധവര മുതൽ ഇലക്ട്രോണിക്‌സ് സിറ്റി വരെയുള്ള റൂട്ടുകളിലാകും ബസ് നിരക്ക് വർധിപ്പിക്കുക. പ്രതിദിനം 150 ട്രിപ്പുകൾ അടങ്ങുന്ന 21 ഷെഡ്യൂളുകളാണ് നിലവിൽ ബിഎംടിസി നൈസ് റോഡ് വഴി നടത്തുന്നത്.
നൈസ് റോഡിൽ പുതിയ ടോൾ നിരക്കുകൾ ജൂലൈ 1 മുതൽ പ്രാബല്യത്തിൽ വന്നു. ടോൾ വർദ്ധന കാരണം ഈ റൂട്ടുകളിൽ നിരക്ക് 5 രൂപ വർധിപ്പിക്കേണ്ടത് അനിവാര്യമാണെന്ന് ബിഎംടിസി ഉദ്യോഗസ്ഥർ പറഞ്ഞു. നിലവിൽ ഈ റൂട്ടിൽ സർവീസ് നടത്തുന്ന എസി ബസ് ചാർജ് 65 രൂപയാണ്, ഇതിൽ 25 ടോൾ ഉൾപ്പെടുന്നു. നിരക്ക് വർധിപ്പിക്കുമെങ്കിലും ശക്തി പദ്ധതിയുടെ പ്രയോജനം ലഭിക്കുന്ന യാത്രക്കാർക്ക് ഓർഡിനറി ബസുകളിൽ സൗജന്യ യാത്ര തുടരാം.
ടോൾ ചാർജ് ഇളവുകൾ ആവശ്യപ്പെട്ട് നന്ദി ഇൻഫ്രാസ്ട്രക്ചർ കോറിഡോർ എൻ്റർപ്രൈസ് ലിമിറ്റഡിന് ബിഎംടിസി അപേക്ഷ നൽകിയിട്ടുണ്ട്. ഗതാഗത വകുപ്പിൻ്റെ കണക്കുകൾ പ്രകാരം, കെഎസ്ആർടിസിയുടെ പ്രതിമാസ ടോൾ പേയ്മെൻ്റ് 10.13 കോടി രൂപയും ബിഎംടിസിയുടേത് 1.3 കോടി രൂപയും, എൻഡബ്ല്യൂകെആർടിസിയുടേത് 4.54 കോടി രൂപയും, കെകെആർടിസിയുടെ ടോൾ പേയ്മെൻ്റ് തുക 4.58 കോടി രൂപയുമാണ്.
TAGS: BENGALURU UPDATES | PRICE HIKE | BMTC
SUMMARY: BMTC plans fare hike for NICE Road buses
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.