ബെർലിൻ: ഫ്രാൻസിനെ 2–-1ന്‌ കീഴടക്കി സ്പെയ്ൻ യൂറോ കപ്പ് ഫുട്‌ബോൾ ഫൈനലിൽ. ഇന്ന്‌ നടക്കുന്ന ഇംഗ്ലണ്ട്–-നെതർലൻഡ്‌സ്‌ സെമിയിലെ ജേതാക്കളെ സ്പെയ്ൻ ഫൈനലിൽ നേരിടും. ഞായറാഴ്‌ചയാണ്‌ ഫൈനൽ. ഒമ്പതാം മിനിറ്റില്‍ തന്നെ ഒരു ഗോളിന് പിന്നിലായ ശേഷം രണ്ടു ഗോളുകള്‍ തിരിച്ചടിച്ചാണ് സ്‌പെയിന്‍ ജയം സ്വന്തമാക്കിയത്. യൂറോയില്‍ സ്പാനിഷ് സംഘത്തിന്റെ അഞ്ചാം ഫൈനലാണിത്. യൂറോ കപ്പ് ചരിത്രത്തില്‍ തുടര്‍ച്ചയായി ആറു കളികള്‍ ജയിക്കുന്ന ആദ്യ ടീമെന്ന റെക്കോഡും സ്വന്തമാക്കിയാണ് സ്‌പെയിന്‍ ഫൈനലില്‍ എത്തുന്നത്.
സ്‌പെയ്‌നിന്റെ മുന്നേറ്റത്തോടെയായിരുന്നു കളിയുടെ തുടക്കം. 16-കാരന്‍ ലമിന്‍ യമാലിന്റെ കൃത്യതയുള്ള ക്രോസിൽ ഫാബിയാൻ റൂയിസ്‌ തലവച്ചെങ്കിലും വല കാണാനായില്ല. മറുവശത്ത്‌ ഫ്രാൻസ്‌ കിട്ടിയ ആദ്യ അവസരംതന്നെ ലക്ഷ്യത്തിലെത്തിച്ചു. കിലിയൻ എംബാപ്പെയുടെ ബോക്‌സിലേക്കുള്ള ക്രോസിൽ മുവാനി കൃത്യമായി തലവച്ചപ്പോൾ സ്പെയ്ൻ ഞെട്ടി.
ഒറ്റ ഗോളിൽ തീര്‍ത്ത ഫ്രാൻസിന്റെ കടുത്ത പ്രതിരോധത്തെ തകർത്തായിരുന്നു സ്‌പെയ്‌നിന്റെ ഇരട്ടപ്രഹരം. ആദ്യം ബോക്‌സിന്‌ പുറത്തുനിന്നുള്ള യമാലിന്റെ ഇടംകാൽകൊണ്ടുള്ള ഉശിരൻ ഗോൾ. ഫ്രഞ്ച്‌ പ്രതിരോധത്തിന്റെ വിടവിലൂടെ ഉയർന്ന പന്ത്‌ വലയുടെ ഇടതുപോസ്‌റ്റിൽ തട്ടി അകത്തേക്ക്‌ വീണു. ഫ്രഞ്ച്‌ ഗോൾ കീപ്പർ മൈക്ക്‌ മയ്‌ഗനാന്‌ എത്തിപ്പിടിക്കാനായില്ല. ഇതോടെ യൂറോ കപ്പ് ചരിത്രത്തിലെ ഏറ്റവും പ്രായം കുറഞ്ഞ ഗോള്‍ സ്‌കോററെന്ന നേട്ടവും സ്‌പെയിനിന്റെ യുവതാരം 16-കാരന്‍ ലമിന്‍ യമാല്‍ സ്വന്തമാക്കി.
നാല്‌ മിനിറ്റിനുള്ളിൽ രണ്ടാം ഗോളെത്തി. വലതുപാർശ്വത്തിൽനിന്ന്‌ ജീസസ്‌ നവാസ്‌ തൊടുത്ത ക്രോസ്‌ ബോക്‌സിൽവച്ച്‌ തട്ടിത്തെറിച്ചു. പന്ത്‌ ഒൽമോയുടെ കാലിൽ. സ്പാനിഷ് താരത്തിന്റെ ചാട്ടുളി പോലുള്ള ഷോട്ട്‌ കുതിച്ചു. ഓടിയെത്തിയ ഫ്രഞ്ച്‌ പ്രതിരോധക്കാരൻ ജൂലസ്‌ കുണ്ടെ കാൽവച്ച്‌ ഒഴിവാക്കാൻ ശ്രമിച്ചെങ്കിലും പന്ത്‌ വലയിൽതന്നെ വീണു.2012നുശേഷമുള്ള സ്‌പെയ്‌നിന്റെ ആദ്യ യൂറോ ഫൈനലാണിത്. യൂറോ ചരിത്രത്തിലെ നാലാം ഫൈനലിൽ.
TAGS : EURO CUP 2024,
SUMMARY : Euro Cup; Spain defeated France in the final
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.