ബെംഗളൂരു: അനധികൃത സ്വത്ത് സമ്പാദനവുമായി ബന്ധപ്പെട്ട് 12 സർക്കാർ ഉദ്യോഗസ്ഥരുടെ വീടുകളിൽ ലോകായുക്ത റെയ്ഡ്. 50ലധികം സ്ഥലങ്ങളിലാണ് വെള്ളിയാഴ്ച രാവിലെയോടെ ലോകായുക്ത ഉദ്യോഗസ്ഥർ റെയ്ഡ് നടത്തിയത്. ബെംഗളൂരു അർബൻ ജില്ലയിലെ ആറ് ഉദ്യോഗസ്ഥരുടെയും ബെംഗളൂരു റൂറൽ ജില്ലയിൽ രണ്ട് ഉദ്യോഗസ്ഥരുടെയും ശിവമോഗയിലെ രണ്ട് ഉദ്യോഗസ്ഥരുടെയും യാദ്ഗിറിലെയും തുമകുരുവിലെയും ഓരോ ഉദ്യോഗസ്ഥരുടെയും വീടുകളിലാണ് റെയ്ഡ് നടന്നത്.
ഉദ്യോഗസ്ഥരുടെ 54 സ്ഥലങ്ങളിൽ ലോകായുക്ത പൊലീസ് റെയ്ഡ് നടത്തുകയും നിർണായക രേഖകൾ പരിശോധിക്കുകയും ചെയ്തു. വ്യവസായ വാണിജ്യ വകുപ്പ് അഡീഷണൽ ഡയറക്ടർ സി.ടി. മുദ്ദു കുമാർ, പ്രോജക്ട് ഡയറക്ടർ ബലവന്ത്, സീനിയർ വെറ്ററിനറി ഓഫീസർ ആർ. സിദ്ധപ്പ, ഹെബ്ബഗോഡി സിഎംസി മുനിസിപ്പൽ കമ്മീഷണർ കെ. നരസിംഹമൂർത്തി, വാണിജ്യ നികുതി ജോയിൻ്റ് കമ്മീഷണർ രമേഷ് കുമാർ എന്നിവരും മറ്റ് നിരവധി ഉദ്യോഗസ്ഥരും റെയ്ഡിൽ ഉൾപ്പെടുന്നു.
ലോകായുക്തയിൽ നേരത്തെ രജിസ്റ്റർ ചെയ്ത 11 കേസുകളുമായി ബന്ധപ്പെട്ട് മാണ്ഡ്യ, കോലാർ, ബെളഗാവി, മൈസൂരു, ഹാസൻ എന്നിവയുൾപ്പെടെ സംസ്ഥാനത്തുടനീളമുള്ള ഒമ്പത് ജില്ലകളിലെ സർക്കാർ ഉദ്യോഗസ്ഥർക്കെതിരെ കഴിഞ്ഞ ആഴ്ച സംസ്ഥാനവ്യാപകമായി റെയ്ഡ് നടത്തിയിരുന്നു.
TAGS: KARNATAKA | LOKAYUKTA
SUMMARY: Karnataka Lokayukta conducts multiple raids across state against officials
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.