ബെംഗളൂരു: സ്ത്രീ ശാക്തീകരണത്തിനായി കേരളത്തിൻ്റെ കുടുംബശ്രീ മാതൃക നടപ്പാക്കാനൊരുങ്ങി കർണാടക സർക്കാർ. നിലവിൽ സ്ത്രീ ശാക്തീകരണത്തിനായി വിവിധ പദ്ധതികൾ സർക്കാർ ആവിഷ്കരിച്ചിട്ടുണ്ട്. ഇതിന് പുറമെയാണ് കുടുംബശ്രീ മാതൃക കൂടി നടപ്പാക്കാൻ പദ്ധതിയിടുന്നത്.
1997-ൽ ആരംഭിച്ച കേരള സർക്കാരിൻ്റെ കുടുംബശ്രീ പരിപാടി, ദാരിദ്ര്യ നിർമ്മാർജ്ജനവും സ്ത്രീ ശാക്തീകരണവും ലക്ഷ്യമിട്ടുള്ള സംരംഭമാണ്. കുടുംബശ്രീ സ്വയം സഹായ സംഘങ്ങളിലെ അംഗത്വം പ്രായപൂർത്തിയായ എല്ലാ സ്ത്രീകൾക്കും ലഭ്യമാണ്. 47 ലക്ഷത്തിലധികം സ്ത്രീകൾ കുടുംബശ്രീ സംരംഭത്തിൽ അംഗങ്ങളാണ്.
ഇതേ മാതൃക നടപ്പാക്കിയാൽ സംസ്ഥാനത്ത് കൂടുതൽ സ്ത്രീകൾക്ക് പ്രയോജനം ലഭിക്കുമെന്ന് മുഖ്യമന്ത്രി സിദ്ധരാമയ്യ പറഞ്ഞു. ഗൃഹലക്ഷ്മി, ഗൃഹജ്യോതി പോലുള്ള ഗ്യാരൻ്റി പദ്ധതികൾ നടപ്പിലാക്കിയത് വഴി ജനങ്ങൾക്ക് സാമ്പത്തിക സുരക്ഷിതത്വം നൽകുന്നതിന് സർക്കാർ മുൻകൈയെടുത്തു. വർദ്ധിച്ചുവരുന്ന സാമ്പത്തിക അസമത്വത്തിൽ നിന്ന് ബുദ്ധിമുട്ടുന്ന ആളുകൾക്ക് ഇത്തരം പദ്ധതികൾ ആശ്വാസം നൽകുമെന്നും സിദ്ധരാമയ്യ പറഞ്ഞു.
പാവപ്പെട്ട കുടുംബങ്ങൾക്ക് നേരിട്ട് സാമ്പത്തിക സഹായം നൽകാനും സർക്കാർ പദ്ധതി ആവിഷ്കരിക്കുന്നുണ്ട്. വികസിത രാജ്യങ്ങളിലേതിന് സമാനമായി ഇത്തരം പരിപാടികൾ വൻതോതിൽ നടപ്പാക്കുന്ന ഏക സംസ്ഥാനമാണ് കർണാടകയെന്നും മുഖ്യമന്ത്രി പറഞ്ഞു.
ശക്തി സ്കീമിന് കീഴിൽ സ്ത്രീകൾ ഇതിനകം 270 കോടി സൗജന്യ ബസ് യാത്രകൾ നടത്തി. ഗൃഹ ലക്ഷ്മി പദ്ധതി പ്രകാരം 25,259 കോടി രൂപ 1.20 കോടി സ്ത്രീകളുടെ അക്കൗണ്ടുകളിലേക്ക് നേരിട്ട് ട്രാൻസ്ഫർ ചെയ്തിട്ടുണ്ട്. വീട്ടമ്മമാർക്ക് 5 കിലോ അധിക അരി സൗജന്യമായി നൽകിയെന്നും അദ്ദേഹം പറഞ്ഞു. 200 യൂണിറ്റ് വരെ സൗജന്യ വൈദ്യുതി നൽകുന്ന ഗൃഹജ്യോതി പദ്ധതിയുടെ പ്രയോജനം 1.6 കോടി കുടുംബങ്ങൾ പ്രയോജനപ്പെടുത്തിയതായും അദ്ദേഹം കൂട്ടിച്ചേർത്തു.
TAGS: KARNATAKA | KUDUMBASHREE
SUMMARY: Karnataka government to adapt kudumbashree method in state
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.