ബെംഗളൂരു: മലയാളം മിഷന്‍ കര്‍ണാടക ചാപ്റ്റര്‍ പഠനോത്സവം നവംബര്‍ 24ന് രാവിലെ 8.30 മുതല്‍ വൈകീട്ട് 3.30 വരെ നടക്കും. ബെംഗളൂരുലെ പഠനോത്സവം വിമാനപുര കൈരളി നിലയം സ്‌കൂളിലും, മൈസൂരുവിലെ പഠനോത്സവം ഡി പോള്‍ പബ്ലിക് സ്‌കൂളിലും വെച്ചാണ് നടക്കുക. കണിക്കൊന്ന, സൂര്യകാന്തി, ആമ്പല്‍ കോഴ്‌സുകളിലെ അഞ്ഞൂറോളം പഠിതാക്കളാണ് പഠനോത്സവത്തില്‍ പങ്കെടുക്കുന്നത്. സൂര്യകാന്തി, ആമ്പല്‍, നീലക്കുറിഞ്ഞി പരീക്ഷകളിലേക്കുള്ള സമാന്തര പ്രവേശന യോഗ്യതാ പരീക്ഷയും ഇതോടൊപ്പം ഉണ്ടായിരിക്കും. പഠിതാക്കളും, അധ്യാപകരും പങ്കെടുക്കുന്ന കലാപരിപാടികള്‍ അരങ്ങേറും. ചാപ്റ്ററിന്റെ പന്ത്രണ്ടാം വാര്‍ഷികാഘോഷങ്ങളുടെ ഭാഗമായി വിവിധ മേഖലകള്‍ നടത്തിയ മത്സരങ്ങളിലെ വിജയികള്‍ക്കുള്ള സമ്മാനദാനം നടക്കും.
ബെംഗളൂരു പഠനോത്സവത്തില്‍ കകര്‍ണാടക ചാപ്റ്റര്‍ പ്രസിഡന്റ് കെ. ദാമോദരന്‍, ചാപ്റ്റര്‍ കണ്‍വീനര്‍ ടോമി ആലുങ്കല്‍, സെക്രട്ടറി ഹിത വേണുഗോപാലന്‍, അക്കാദമിക് കോ ഓര്‍ഡിനേറ്റര്‍ മീര നാരായണന്‍, ജിസ്സൊ ജോസ് എന്നിവര്‍ പങ്കെടുക്കും. മേഖലാ കോ ഓര്‍ഡിനേറ്റര്‍മാരായ നൂര്‍ മുഹമ്മദ്, അനൂപ് കുറ്റ്യേരിമ്മല്‍, ശ്രീജേഷ്. പി, വിനേഷ്. കെ, ജിജോ.ഇ. വി. എന്നിവര്‍ നേതൃത്വം നല്‍കും. മൈസൂരു പഠനോത്സവം ഫാദര്‍ ജോമേഷ് ഉദ്ഘാടനം ചെയ്യും. ചാപ്റ്റര്‍ വൈസ് പ്രസിഡന്റുമാരായ സുരേഷ് ബാബു, ഷാഹിന ലത്തീഫ്, കോ ഓര്‍ഡിനേറ്റര്‍ പ്രദീപ് മാരിയില്‍, കെ. പി. എന്‍. പൊതുവാള്‍ എന്നിവര്‍ പങ്കെടുക്കും.
രാവിലെ 9.30 മുതല്‍ 12.30 വരെ ബെംഗളൂരുവിലെ വിവിധ സംഘടനാ നേതാക്കള്‍ പങ്കെടുക്കുന്ന ജനറല്‍ കൗണ്‍സില്‍ യോഗവും നടക്കും. 260 പഠനകേന്ദ്രങ്ങളും, 450 സന്നദ്ധപ്രവര്‍ത്തകരും, 6000 പഠിതാക്കളുമാണ് ഇപ്പോള്‍ ചാപ്റ്ററിനു കീഴിലുള്ളത്. കന്നഡ ഡവലപ്‌മെന്റ് അതോറിറ്റിയുമായി സഹകരിച്ച് കന്നഡ ക്ലാസ്സുകള്‍ നടത്തുന്നതിനായി 15 സെന്ററുകള്‍ ഈ വര്‍ഷം ആരംഭിക്കും.
TAGS : MALAYALAM MISSION
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.