ബെംഗളൂരു: പുതുവത്സരാഘോഷം പ്രമാണിച്ച് ബെംഗളൂരുവിൽ ഗതാഗത നിയന്ത്രണം ഏർപ്പെടുത്തി സിറ്റി ട്രാഫിക് പോലീസ്. ഡിസംബർ 31ന് രാത്രി എട്ടു മണിമുതൽ ജനുവരി ഒന്നിന് പുലർച്ചെ രണ്ടു മണിവരെയാണ് നിയന്ത്രണം.
അനിൽ കുംബ്ലെ സർക്കിൾ മുതൽ റെസിഡൻസി റോഡ് ജംഗ്ഷൻ വരെ നീളുന്ന എംജി റോഡ് ഭാഗം, കാവേരി എംപോറിയം ജംഗ്ഷൻ മുതൽ ഓപേറ ജംഗ്ഷൻ വരെ, ബ്രിഗേഡ് റോഡ്, ചർച്ച സ്ട്രീറ്റ്, എംജി റോഡ് ജംഗ്ഷൻ മുതൽ ഓൾഡ് മദ്രാസ് ബാങ്ക് റോഡ് വരെയുള്ള മ്യൂസിയം റോഡ്, മ്യൂസിയം റോഡ് ജംഗ്ഷൻ മുതൽ ബ്രിഗേഡ് റോഡ് ജംഗ്ഷൻ വരെയുള്ള റസ്റ്റ് ഹൗസ് റോഡ്, റെസിഡൻസി ക്രോസ് റോഡ് മുതൽ റെസിഡൻസി റോഡ് ജംഗ്ഷൻ വരെയുള്ള ഭാഗം എന്നിവിടങ്ങളിലേക്ക് പോലീസ്, അടിയന്തര സർവീസ് വാഹനങ്ങൾക്കല്ലാതെ പ്രവേശനമുണ്ടാകില്ല.
നാഷണൽ ഗെയിംസ് വില്ലേജ് മുതൽ യുകോ ബാങ്ക് ജംഗ്ഷൻ വരെ രാത്രി 11നും പുലർച്ചെ രണ്ടിനും ഇടയിൽ വാഹനങ്ങൾക്ക് പ്രവേശനമില്ല. സുഖ് സാഗ‍ർ ജംഗ്ഷൻ മുതൽ മൈക്രോലാൻഡ് ജംഗ്ഷൻ വരെയുള്ള ഭാഗങ്ങളിലും വാഹനങ്ങൾക്ക് പ്രവേഷണമുണ്ടാകില്ല.
എംജി റോഡ് ജംഗ്ഷനിൽ നിന്ന് ഓപ്പേറ ജംഗ്ഷനിലേക്ക് ബ്രിഗേഡ് റോഡ് വഴി ഒരു ദിശയിൽ മാത്രമേ കാൽനടയാത്രിക‍ർ പോകാൻ പാടുള്ളു. എംജി റോഡിലേക്കുള്ള മടക്കയാത്ര റെസിഡൻസി റോഡ് വഴി നടത്തണം.
ക്വീൻസ് സർക്കിളിൽ നിന്ന് അൾസൂരുവിലേക്കുള്ള വാഹനങ്ങൾ അനിൽ കുംബ്ലെ സർക്കിളിൽനിന്ന് ഇടത്തേക്ക് തിരിഞ്ഞ് ബിആർവി ജംഗ്ഷനിലേക്ക് പോയി കബ്ബൺ റോഡ് വഴി യാത്ര തുടരാം. കൻ്റോൺമെൻ്റിലേക്കുള്ള വാഹനങ്ങൾ ട്രിനിറ്റി സർക്കിളിൽ നിന്ന് വലത്തോട്ട് തിരിഞ്ഞ് അൾസൂരു റോഡ്, ഡിക്കൻസൺ റോഡ് വഴി കടന്നുപോകാം. കെംപെഗൗഡ അന്താരാഷ്ട്ര വിമാനത്താവളത്തിലേക്കുള്ള എലിവേറ്റഡ് എക്സ്പ്രസ് വേ ഒഴികെയുള്ള എല്ലാ മേൽപ്പാലങ്ങളും ഡിസംബർ 31ന് രാത്രി 11 മുതൽ ജനുവരി ഒന്നിന് രാവിലെ ആറു വരെ വാഹന ഗതാഗതം നിരോധിക്കും. 31ന് രാത്രി എട്ടു മണിമുതൽ ജനുവരി ഒന്നിന് രാവിലെ ആറു മണിവരെ ചരക്ക് വാഹനങ്ങൾ വഴിതിരിച്ചുവിടും.
TAGS: BENGALURU | TRAFFIC RESTRICTED
SUMMARY: Traffic restriction in Bengaluru amid new year
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.