ബെംഗളൂരു: സംസ്ഥാനത്ത് സംഘടിത, അസംഘടിത മേഖലകളിലെ മിനിമം വേതനം വർധിപ്പിക്കുന്നത് പരിഗണനയിലെന്ന് വ്യവസായ മന്ത്രി എം. ബി. പാട്ടീൽ. സംസ്ഥാനത്തുടനീളമുള്ള ഏകദേശം രണ്ട് കോടി തൊഴിലാളികൾക്ക് ഇതുവഴി പ്രയോജനം ലഭിക്കുമെന്ന് അദ്ദേഹം പറഞ്ഞു. തൊഴിലാളികൾക്ക് പ്രതിമാസം ഏകദേശം 20,000 രൂപ മിനിമം വേതനമായി ലഭ്യമാക്കാനാണ് പദ്ധതി.
സാധാരണയായി അഞ്ച് വർഷത്തിലൊരിക്കൽ മിനിമം വേതനം പരിഷ്കരിക്കാറുണ്ട്. കർണാടകയിൽ നിലവിലുള്ള തൊഴിലാളികൾക്ക് മിനിമം വേതനം 15,000 രൂപയാണ്. ഏറ്റവും ഉയർന്ന മിനിമം വേതനം നൽകുന്ന സംസ്ഥാനങ്ങളുടെ പട്ടികയിൽ മുൻനിരയിലേക്ക് കർണാടകയെ എത്തിക്കാൻ ഈ നീക്കം സഹായിക്കും. 54 ലക്ഷം സംഘടിത മേഖലയിലെ തൊഴിലാളികളുടെയും അസംഘടിത മേഖലയിലെ 1.5 കോടി തൊഴിലാളികളുടെയും ഉപജീവനമാർഗ്ഗത്തിൽ ഇത് സഹായകമാകും.
സുപ്രീം കോടതി മാർഗനിർദേശങ്ങൾ അനുസരിച്ച്, തൊഴിലുടമകൾ ഓരോ തൊഴിലാളിക്കും അവരുടെ (തൊഴിലുടമകളുടെ) സാമ്പത്തിക സ്ഥിതി പരിഗണിക്കാതെ മിനിമം വേതനം നൽകാൻ ബാധ്യസ്ഥരാണ്. വിഷയം മുഖ്യമന്ത്രിയുടെ പരിഗണനയിലാണെന്നും തീരുമാനം ജനുവരി അവസാനത്തോടെ ഉണ്ടാകുമെന്നും മന്ത്രി വ്യക്തമാക്കി.
TAGS: KARNATAKA | MINIMUM WAGES
SUMMARY: Karnataka likely to raise minimum wages to Rs 20,000 per month
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.