ബെംഗളൂരു മെട്രോ നിരക്ക് പരിഷ്കരിച്ചു; പുതുക്കിയ നിരക്ക് നാളെ മുതൽ പ്രാബല്യത്തിൽ
ബെംഗളൂരു: ബെംഗളൂരുവിൽ മെട്രോ നിരക്ക് പരിഷ്കരിച്ചു. പുതുക്കിയ നിരക്ക് ഫെബ്രുവരി ഒമ്പത് മുതൽ പ്രാബല്യത്തിൽ വരും. ഫെയർ ഫിക്സേഷൻ കമ്മിറ്റി ശുപാർശ ചെയ്ത നിരക്ക് തന്നെയാണ് അന്തിമമാക്കിയതെന്നും, മാറ്റങ്ങൾ വരുത്തിയിട്ടില്ലെന്നും ബിഎംആർസിഎൽ അറിയിച്ചു. ദൂരത്തെ അടിസ്ഥാനമാക്കി പുതിയ നിരക്ക് നിശ്ചയിച്ചിരിക്കുന്നത്. അടിസ്ഥാന നിരക്കിൽ മാറ്റം കരുതിയിട്ടില്ല.
പുതുക്കിയ നിരക്ക് ഘടന പ്രകാരം 0-2 കിലോമീറ്ററിന് 10 രൂപയാണ് ടിക്കറ്റ് ചാർജ്. 2 മുതൽ 4 കിലോമീറ്ററിന് 20 രൂപ, 4 മുതൽ 6 കിലോമീറ്ററിന് 30 രൂപ, 6 മുതൽ 8 കിലോമീറ്ററിന് 40 രൂപ, 8 മുതൽ 10 കിലോമീറ്ററിന് 50 രൂപ, 10 മുതൽ 15 കിലോമീറ്ററിന് 60 രൂപ, 15 മുതൽ 20 കിലോമീറ്ററിന് 70 രൂപ, 20 മുതൽ 25 കിലോമീറ്ററിന് 80 രൂപ, 25ഉം അതിൽ കൂടുതലുമുള്ളവയ്ക്ക് 90 രൂപ എന്നിങ്ങനെയാണ് നിരക്ക് നിശ്ചയിച്ചിട്ടുള്ളത്.
ഇതിനുപുറമെ, സ്മാർട്ട് കാർഡുകൾക്ക് നിലവിലുള്ള 5 ശതമാനം കിഴിവ് നിലനിർത്തും. മെട്രോ സിസ്റ്റത്തിൽ പ്രവേശിക്കുന്ന സമയത്തെ അടിസ്ഥാനമാക്കി ഓഫ്-പീക്ക് സമയത്തെ യാത്രയ്ക്ക് സ്മാർട്ട് കാർഡുകൾക്ക് 5 ശതമാനം അധിക കിഴിവ് നൽകും. ഓഫ്-പീക്ക് സമയം പ്രവൃത്തിദിനങ്ങളിൽ രാവിലെ 8 മുതൽ ഉച്ചയ്ക്ക് 12 വരെയും പ്രവൃത്തിദിവസങ്ങളിൽ രാത്രി 9 മുതലുമാണ്.
എല്ലാ ഞായറാഴ്ചകളിലും ദേശീയ അവധി ദിവസങ്ങളിലും (ജനുവരി 26, ഓഗസ്റ്റ് 15, ഒക്ടോബർ 02) ദിവസം മുഴുവൻ ഒരേപോലെ സ്മാർട്ട് കാർഡുകൾക്ക് 10 ശതമാനം കിഴിവ് നൽകും. സ്മാർട്ട് കാർഡുകളിൽ 90 രൂപ മിനിമം ബാലൻസ് നിലനിർത്തണമെന്ന് ബിഎംആർസിഎൽ പറഞ്ഞു. ടൂറിസ്റ്റ് കാർഡ് നിരക്കുകൾ (ഡേ പാസുകൾ), ഗ്രൂപ്പ് ടിക്കറ്റ് വിലകൾ എന്നിവയും പരിഷ്കരിച്ചിട്ടുണ്ട്. ടൂറിസ്റ്റ് പാസുള്ളവർക്ക് ഒരു ദിവസത്തേക്ക് പുതുക്കിയ നിരക്ക് 300 രൂപയാണ്. മൂന്ന് ദിവസത്തെ പാസിനു 600 രൂപയാണ് നിരക്ക്.
മെട്രോ പ്രവർത്തനങ്ങൾക്ക് സാമ്പത്തിക സഹായം നൽകുന്നതിനാണ് പുതുക്കിയ നിരക്ക് സംവിധാനം രൂപകൽപ്പന ചെയ്തിരിക്കുന്നതെന്ന് ബിഎംആർസിഎൽ ഉദ്യോഗസ്ഥർ പറഞ്ഞു. 2011 ൽ ബൈയപ്പനഹള്ളി-എംജി റോഡ് റൂട്ടിൽ പ്രവർത്തനം ആരംഭിച്ചതിനുശേഷം, ബിഎംആർസിഎൽ കടുത്ത സാമ്പത്തിക വെല്ലുവിളികൾ നേരിടുന്നുണ്ട്. കഴിഞ്ഞ മൂന്ന് വർഷത്തിനിടെ 1,280 കോടി രൂപയുടെ മൊത്തം നഷ്ടം സംഭവിച്ചതായും ഉദ്യോഗസ്ഥർ പറഞ്ഞു.
ಪ್ರಯಾಣ ದರ ಏರಿಕೆ ಕುರಿತ ಮಾಹಿತಿ:
ದರ ಪರಿಷ್ಕರಣೆ ಸಮಿತಿಯ ಶಿಫಾರಸ್ಸಿನಂತೆ, ಇದೇ ಫೆಬ್ರವರಿ 9/2025 ರಿಂದ ನಮ್ಮ ಮೆಟ್ರೋ ದಲ್ಲಿ ಪರಿಷ್ಕೃತ ದರ ಜಾರಿಯಾಗಲಿದೆ. ಸ್ಮಾರ್ಟ್ ಕಾರ್ಡ್ಗಳ ಮೇಲೆ ಶೇ. 5 ರಷ್ಟು ರಿಯಾಯಿತಿ ಮುಂದುವರಿಯುತ್ತದೆ. ಹೆಚ್ಚಿನ ಮಾಹಿತಿಗಾಗಿ ಮಾಧ್ಯಮ ಪ್ರಕಟಣೆಯನ್ನು ಪರಿಶೀಲಿಸಿ. pic.twitter.com/jFNMnePq7L— ನಮ್ಮ ಮೆಟ್ರೋ (@OfficialBMRCL) February 8, 2025
TAGS: NAMMA METRO
SUMMARY: Bengaluru namma metro fare revised
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.