ബെംഗളൂരു: കുടകിലെ ഗോണികുപ്പയിൽ ജനവാസ കേന്ദ്രത്തിലിറങ്ങിയ കാട്ടാനയെ വനംവകുപ്പ് പിടികൂടി. ഗോണികുപ്പ ചെന്നങ്കൊള്ളിക്ക് സമീപത്തുനിന്നാണ് 43 വയസ്സുള്ള ആനയെ പിടികൂടിയത്. മാറ്റിഗോട്, ഹാരങ്കി, ദുബാരെ ക്യാമ്പുകളിൽനിന്നുള്ള ഭീമ, കാഞ്ചൻ, വിക്രം, പ്രശാന്ത്, ശ്രീകാന്ത്, ഈശ്വർ എന്നീ പരിശീലനം ലഭിച്ച ആനകളെ ഉപയോഗിച്ചാണ് അക്രമാസക്തമായ ആനയെ മെരുക്കിയ ശേഷം കീഴ്പെടുത്തിയത്.
തുടർന്ന്, ക്രെയിനിന്റെ സഹായത്തോടെ ട്രക്കിൽ കയറ്റി ദുബാരെ ആന ക്യാമ്പിലേക്ക് കൊണ്ടുപോയി. കർണാടക സംസ്ഥാന വന്യജീവി ബോർഡ് അംഗം സങ്കേത് പൂവയ്യ, കുടക് ജില്ലാ സി.സി.എഫ്. ഡോ. മാലതി പ്രിയ എന്നിവരുടെ നേതൃത്വത്തിലായിരുന്നു ഓപ്പറേഷൻ.
കഴിഞ്ഞദിവസം കാട്ടാനയുടെ ചവിട്ടേറ്റ് വീട്ടമ്മ കൊല്ലപ്പെട്ടിരുന്നു.തുടർന്ന്, വനംവകുപ്പിനുനേരേ പ്രതിഷേധവുമായി നാട്ടുകാർ രംഗത്തെത്തിയിരുന്നു.
TAGS : WILD ELEPHANT | KODAGU
SUMMARY : Wild elephant caught