നിയമസഭാംഗങ്ങളുടെ ശമ്പള വർധനവിന് അംഗീകാരം നൽകി കർണാടക ബിസിനസ് അഡ്വൈസറി കമ്മിറ്റി
ബെംഗളൂരു: സംസ്ഥാനത്തെ നിയമസഭാംഗങ്ങളുടെ ശമ്പള വർധനവിന് അംഗീകാരം നൽകി മുഖ്യമന്ത്രി സിദ്ധരാമയ്യയുടെ നേതൃത്വത്തിലുള്ള ബിസിനസ് അഡ്വൈസറി കമ്മിറ്റി. ഏറെക്കാലത്തെ ചർച്ചയ്ക്കൊടുവിലാണ് തീരുമാനം എന്നും, ഉത്തരവ് ഉടൻ ഔദ്യോഗികമായി പ്രഖ്യാപിക്കുമെന്നും മുഖ്യമന്ത്രി പറഞ്ഞു. 2022 ഫെബ്രുവരിയിൽ ബിജെപി നേതൃത്വത്തിലുള്ള സർക്കാരും എംഎൽഎമാരുടെ ശമ്പളം വർധിപ്പിച്ചിരുന്നു.
അതേസമയം സംസ്ഥാന നിയമസഭയുടെ ബജറ്റ് അവതരണം മാർച്ച്‌ ഏഴിന് നടക്കും. തിങ്കളാഴ്ച മുതൽ ആരംഭിച്ച ബജറ്റിൽ വൈദ്യുതി നിരക്ക് വർധന, പാൽ വിലയിലെ വർധന, മുഡ അഴിമതി തുടങ്ങിയ വിഷയങ്ങളാണ് പ്രധാന ചർച്ച വിഷയമായത്. സർക്കാരിനെതിരെ വിവിധ വിഷയങ്ങൾ ചൂണ്ടിക്കാട്ടി ബിജെപി, ജെഡിഎസ് നേതാക്കൾ നിയമസഭയ്ക്ക് പുറത്ത് പ്രതിഷേധിച്ചു. ബജറ്റ് അവതരണത്തിന് മുമ്പായുള്ള മൂന്ന് ദിവസം വിവിധ വികസന വിഷയങ്ങൾ ചർച്ച നടത്തും. തുടർന്നായിരിക്കും അടുത്ത തിങ്കളാഴ്ച ബജറ്റ് അവതരണമെന്ന് സിദ്ധരാമയ്യ അറിയിച്ചു.
ബജറ്റ് സമ്മേളനത്തിന്റെ ദൈർഘ്യം ബിസിനസ് ഉപദേശക സമിതി തീരുമാനിക്കും. കർഷകരുടെ താൽപ്പര്യങ്ങൾക്കാണ് ഇത്തവണത്തെ ബജറ്റിനു മുൻഗണന നൽകുക. ജൽ ജീവൻ മിഷന് കീഴിലുള്ള ഫണ്ട് ഉപയോഗത്തെ കുറിച്ചും ബജറ്റിൽ ചർച്ച ചെയ്യും. സമീപകാല മെട്രോ നിരക്ക് വർധന, മെട്രോ നിർമാണ പ്രവൃത്തി, റെയിൽവേ നിർമാണ പ്രവൃത്തികൾ, ക്ഷേമ പദ്ധതികൾ എന്നിവ ബജറ്റിൽ ഉൾപ്പെടുത്തും.
2025-26 വർഷത്തേക്ക് 4 ലക്ഷം കോടി രൂപയുടെ ബജറ്റ് അവതരിപ്പിക്കാനാണ് സർക്കാർ പദ്ധതിയിടുന്നത്. ധനമന്ത്രി എന്ന നിലയിൽ സിദ്ധരാമയ്യയുടെ 16-ാമത്തെ ബജറ്റായിരിക്കും ഇത്. 2024-25 വർഷത്തേക്ക് സിദ്ധരാമയ്യ 3.71 ലക്ഷം കോടി രൂപയുടെ ബജറ്റ് അവതരിപ്പിച്ചിരുന്നു. അഞ്ച് ഗ്യാരണ്ടി പദ്ധതികൾക്കായി സംസ്ഥാന സർക്കാർ എല്ലാ വർഷവും 52,000 കോടി രൂപ ചെലവഴിക്കുന്നുണ്ട്.
TAGS: KARNATAKA
SUMMARY: CM-led business advisory panel approves salary hike for Karnataka legislators
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.