ബെംഗളൂരു: വേനൽമഴ ആരംഭിച്ചതോടെ ബെംഗളൂരുവിൽ ഡെങ്കിപ്പനി കേസുകൾ വർധിക്കുന്നു. ഒരാഴ്ചക്കിടെ നഗരത്തിൽ 100ഓളം ഡെങ്കിപ്പനി കേസുകൾ രജിസ്റ്റർ ചെയ്തിട്ടുണ്ട്. കേസുകൾ വർധിക്കുന്നത് തടയാൻ പ്രതിരോധ നടപടികൾ സ്വീകരിച്ചുവരികയാണെന്ന് ബിബിഎംപി ചീഫ് കമ്മീഷണർ തുഷാർ ഗിരിനാഥ് പറഞ്ഞു. വെള്ളം കെട്ടിനിൽക്കുന്നത് തടയുക എന്നതാണ് പ്രധാനമെന്ന് അദ്ദേഹം പറഞ്ഞു. ഡെങ്കിപ്പനി പ്രതിരോധത്തെക്കുറിച്ച് പൗരന്മാരെ ബോധവൽക്കരിക്കും. കൂടാതെ ശുചിത്വം പാലിക്കുന്നതിൽ പരാജയപ്പെടുന്നവർക്കെതിരെ പിഴ ചുമത്തുമെന്നും അദ്ദേഹം പറഞ്ഞു.
കേസുകളുടെ വ്യാപനം നിയന്ത്രിക്കുന്നതിന്, കൊതുകുകളുടെ പ്രജനന കേന്ദ്രങ്ങൾ കണ്ടെത്തി ഇല്ലാതാക്കും. ഇതിനായി ബിബിഎംപി ആരോഗ്യം, ഹോർട്ടികൾച്ചർ, വനം, ഖരമാലിന്യ പരിപാലനം (ബിഎസ്ഡബ്ല്യുഎംഎൽ), സ്റ്റോം വാട്ടർ ഡ്രെയിനേജ്, റോഡ് ഇൻഫ്രാസ്ട്രക്ചർ എന്നീ വിവിധ വകുപ്പുകളുമായി ചേർന്ന് പ്രവർത്തിക്കും. വെള്ളം കെട്ടിക്കിടക്കുന്ന സ്ഥലങ്ങൾ ഉടനടി വൃത്തിയാക്കാനും ഫോഗിംഗും കീടനാശിനി തളിക്കലും ഊർജിതമാക്കാനും ഉദ്യോഗസ്ഥർക്ക് നിർദ്ദേശം നൽകിയിട്ടുണ്ടെന്ന് തുഷാർ ഗിരിനാഥ് പറഞ്ഞു.
പൊതുജനങ്ങൾ വീടുകൾക്ക് ചുറ്റും, പ്രത്യേകിച്ച് പൂച്ചട്ടികൾ, ഉപേക്ഷിക്കപ്പെട്ട പാത്രങ്ങൾ എന്നിവയിൽ വെള്ളം കെട്ടിനിൽക്കുന്നത് ഒഴിവാക്കുക. ഓവർഹെഡ് ടാങ്കുകളും ഡ്രെയിനേജുകളും മൂടി വയ്ക്കുക, കൊതുക് ശല്യം അകറ്റുന്ന മരുന്നുകൾ, വലകൾ എന്നിവ ഉപയോഗിക്കുക, നീളൻ കൈയുള്ള വസ്ത്രങ്ങൾ ധരിക്കണമെന്നും അദ്ദേഹം നിർദേശിച്ചു.
ബിബിഎംപി ആരോഗ്യ പ്രവർത്തകർക്ക് വീടുകളുടെ പരിസരം പരിശോധിക്കാനും ഫോഗിംഗ്, സ്പ്രേയിംഗ് ഡ്രൈവുകളുമായി സഹകരിക്കാനും അനുവദിക്കുക. പനി കേസുകൾ ഉടൻ റിപ്പോർട്ട് ചെയ്യുകയും വൈദ്യസഹായം തേടുകയും ചെയ്യണം. ഡെങ്കിപ്പനി കേസുകൾ വർദ്ധിച്ചുവരുന്ന സാഹചര്യത്തിൽ, എല്ലാവരും ജാഗ്രത പാലിക്കാനും മുൻകരുതൽ എടുക്കാനും അദ്ദേഹം നിർദേശിച്ചു.
TAGS: BBMP | DENGUE
SUMMARY: Dengue cases surge in Bengaluru, Officials launch crackdown
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.