തെരുവുനായയെ കെട്ടിടത്തിൽ നിന്ന് താഴേക്ക് എറിഞ്ഞ് കൊന്നു; ഡോക്ടർക്കെതിരെ കേസ്
ബെംഗളൂരു: തെരുവുനായയെ കെട്ടിടത്തിന്റെ മൂന്നാം നിലയിൽ നിന്ന് താഴേക്ക് എറിഞ്ഞു കൊലപ്പെടുത്തിയ ഡോക്ടർക്കെതിരെ കേസ്. ബെംഗളൂരു സ്വദേശി ഡോ. സാഗർ ബല്ലാലിനെതിരെ അഡുഗോഡി പോലീസ് കേസ് രജിസ്റ്റർ ചെയ്തു. നഗരത്തിലെ സ്വകാര്യ കോളേജ് വിദ്യാർഥിയായ ആയുഷ് ഭട്ടാചാര്യ നൽകിയ പരാതിയുടെ അടിസ്ഥാനത്തിലാണിത്.
ലക്കസാന്ദ്രയിലെ ബൃന്ദാവൻ അപ്പാർട്ട്മെന്റിലെ താമസക്കാരനാണ് സാഗർ. അപ്പാർട്ട്മെന്റിന്റെ ടെറസിൽ കളിക്കാൻ വന്നിരുന്ന സ്കൂബി എന്ന തെരുവ് നായയെ മറ്റ് താമസക്കാർ പരിപാലിക്കുന്നതിനെ പലപ്പോഴായി സാഗർ വഴക്ക് പറഞ്ഞിരുന്നു. ഇക്കഴിഞ്ഞ ഫെബ്രുവരി അഞ്ചിന് സാഗർ നായയെ ടെറസിൽ നിന്ന് താഴേക്ക് എറിഞ്ഞിരുന്നു. തുടർന്ന് നട്ടെല്ലിന് പരുക്കേറ്റ നായയെ താമസക്കാർ ആശുപത്രിയിൽ എത്തിക്കുകയും ചികിത്സ നൽകുകയുമായിരുന്നു. സുഖം പ്രാപിച്ച നായയെ ഏപ്രിൽ 20ന് വീണ്ടും മറ്റു താമസക്കാർ അപാർട്ട്മെന്റിലേക്ക് കൊണ്ടുവന്നു. ഇതോടെ രോഷാകുലനായ സാഗർ നായയെ മൂന്നാം നിലയിൽ നിന്ന് വീണ്ടും താഴേക്ക് എറിയുകയായിരുന്നു. നായയെ താമസക്കാർ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. 2024 ഏപ്രിലിൽ മറ്റൊരു തെരുവുനായയെ കൊന്ന കേസിൽ സാഗർ പ്രതിയായിരുന്നു.
TAGS: BENGALURU | BOOKED
SUMMARY: Bengaluru doctor booked on killing Street dog
ഞങ്ങളുടെ Facebook ലും Twitter ലും അംഗമാകൂ. ഓരോ വാര്‍ത്തയും അറിയാം
ന്യൂസ് ബെംഗളൂരുവിന്റെ ന്യൂസ് ആപ്പ് ഇപ്പോള്‍ പ്ലേ സ്റ്റോറില്‍ ലഭ്യമാണ്. ഇതൊരു ഓഡിയോ അധിഷ്ഠിത ആപ്ലിക്കേഷനാണ്. അതായത് ആപ്പ് ഇന്‍സ്റ്റാള്‍ ചെയ്ത ശേഷം വാര്‍ത്തയുടെ ഒന്നിച്ചുള്ള ഓഡിയോ ബട്ടണ്‍ അമര്‍ത്തിയാല്‍ നമ്മുക്ക് വാര്‍ത്ത കേള്‍ക്കാനും സാധിക്കും. ഡൗണ്‍ലോഡ് ചെയ്യാനുള്ള ലിങ്ക് ⏩
വാർത്തകൾ നിങ്ങളുടെ മൊബൈലിൽ ലഭിക്കാൻ മൊബൈൽ അപ്ലിക്കേഷൻ ഡൗൺലോഡ് ചെയ്യൂ
ആപ്പ് ഡൗണ്‍ലോഡ് ചെയ്യുന്നതില്‍ സാങ്കേതിക ബുദ്ധിമുട്ട് നേരിടുന്നുവെങ്കില്‍ വിളിക്കുക : 888 4227 444
ശ്രദ്ധിക്കുക : താഴെ കൊടുക്കുന്ന അഭിപ്രായങ്ങള്‍ വായനക്കാരുടേതു മാത്രമാണ്. നിങ്ങളുടെ അഭിപ്രായങ്ങള്‍ മലയാളത്തിലോ ഇംഗ്ലീഷിലോ മാത്രം എഴുതുക. വാര്‍ത്തകളോട് പ്രതികരിക്കുന്നവര്‍ അശ്ലീലവും അസഭ്യവും ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. കേന്ദ്രസര്‍ക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവക്ക് എതിരായുള്ള അധിക്ഷേപങ്ങള്‍ നടത്തുന്നത് ശിക്ഷാര്‍ഹമായ കുറ്റമാണ്.